ބަންޑާރަކޮށީގައި ބޭއްވި ހާއްސަ ރަސްމިއްޔާތެއްގައި މި ތަކެތި އެމްއެންޑީއެފާ ހަވާލުކޮށްދެއްވީ އުރީދޫ މޯލްޑިވްސްގެ މެނޭޖިން ޑައިރެކްޓަރު އަދި ސީއީއޯ، ހާލިދު އަލް ހަމާދީ އެވެ. އެމްއެންޑީއެފްގެ ފަރާތުން މި ތަކެއްޗާ ރަސްމީކޮށް ހަވާލުވެވަޑައިގެންނެވީ ދިފާޢީ ވަޒީރު، އޮނަރަބަލް މުޙައްމަދު ގައްސާން މައުމޫންއެވެ.
އުރީދޫއިން ހަދިޔާކުރި ތަކެތީގެ ތެރޭގައި ހިމެނެނީ
މި އިކްއިޕްމެންޓް ތަކަކީ ކަނޑުއަޑީގައި މުއާމަލާތްކުރުމަށާއި، ޑައިވަރުންގެ ސަލާމަތާއި ރައްކާތެރިކަމުގެ އިތުރުން އޮޕަރޭޝަންތަކުގެ ފެންވަރު ރަނގަޅު ކުރުމަށް ފަރުމާކޮށްފައިވާ ތަކެތި ކަމަށާއި މީގެ ސަބަބުން އެމްއެންޑީއެފް ކޯސްޓްގާޑުން ރާއްޖޭގެ ކަނޑުގެ ސަރަހައްދުގައި ހިންގާ ސަލާމަތީ އަދި މީހުން ސަލާމަތްކުރުމުގެ އޮޕަރޭޝަންތަކަށް ބޮޑު އެހީތެރިކަމެއް ލިބިގެންދާނެ ކަމަށް އެމްއެންޑީއެފުން ބުންޏެވެ.
މި ރަސްމިއްޔާތުގައި އުރީދޫ މޯލްޑިވްސްގެ ސީއީއޯ ހާލިދު އަލް ހަމާދީ ވިދާޅުވީ ރާއްޖޭގެ ކަނޑަކީ ދިރިއުޅުމުގެ މުހިންމު ބައެއް ކަމަށެވެ. އެމްއެންޑީއެފުން ކުރާ ބުރަ މަސައްކަތަކީ ގައުމީ ސަލާމަތަށް ނުހަނު މުހިންމު މަސައްކަތެއްކަން ފާހަގަކުރެއްވާ ޑައިވަރުންގެ ސަލާމަތާއި ކަނޑުއަޑީގެ އޮޕަރޭޝަންތަކަށް އެހީތެރިވުމަށް މިތަކެތި ހަދިޔާކުރެވުމަކީ ފަހުރުވެރިވާ ކަމެއް ކަމަށް ވިދާޅުވި އެވެ.
ހާލިދު ވިދާޅުވި ގޮތުގައި އުރީދޫގެ އަމާޒަކީ މުޖުތަމަޢުއަށް ފައިދާހުރި، ދެމެހެއްޓެނިވި އެހީތެރިކަން ފޯރުކޮށްދިނުމެވެ.
އުރީދޫއިން މިއަދު ހަދިޔާކުރި ތަކެއްޗާއި މިނިސްޓަރު ހަވާލުވެވަޑައިގަންނަވަނީ - ފޮޓޯ: އެމްއެންޑީއެފް
މި ރަސްމިއްޔާތުގައި ޗީފް އޮފް ޑިފެންސް ފޯސް މޭޖަ ޖެނެރަލް އިބްރާހީމް ހިލްމީ ވަނީ، އުރީދޫންވި ދީލަތި އެހީއަށްޓަކައި ޝުކުރު ދަންނަވާފައެވެ.
މިގޮތުން، ކަނޑުގެ މާހައުލަށް ބިނާވެފައިވާ ރާއްޖެ ފަދަ ގައުމެއްގައި ކޯސްޓްގާޑުގެ ސާޗް އެންޑް ރެސްކިއުއާއި ކަނޑުއަޑީގެ އޮޕަރޭޝަންތައް ވަރުގަދަކުރުމަށް އެ އިކުއިޕްމަންޓްތައް ވަރަށް ބޭނުންތެރި ވާނެކަން ހިލްމީ ފާހަގަކުރެއްވިއެވެ.
ކަނޑުގެ ސަލާމަތާއި ރައްކާތެރިކަމަށް އުރީދޫއިންދޭ އެއްބާރުލުން ހިލްމީގެ ވާހަކަފުޅުގައި ވަނީ ފާހަގަކުރައްވާފައެވެ.
އުރީދޫ މޯލްޑިވްސްއަކީ އަބަދުވެސް އާ އީޖާދުތައް ތައާރަފުކޮށް، މުޖުތަމައު ބާރުވެރިކުރުވުމަށާއި ގައުމުގެ ސަލާމަތާއި ރައްކާތެރިކަން އިތުރުކުރުމަށް މަސައްކަތްކުރަމުންދާ ކުންފުންޏެކެވެ.
