އޯ ލެވެލް އިމްތިހާނު މިއަދު ފެށި އިރު، މި އިންތިހާނުގައި މުޅި ރާއްޖެ އިން މި އަހަރު 8218 ދަރިވަރަކު ބައިވެރިވެ އެވެ.
އިމްތިހާނު 267 ސެންޓަރެއްގައި ކުރިއަށްދާނެ ކަމަށް އެޑިއުކެޝަން މިނިސްޓްރީން ބުންޏެވެ. އެގޮތުން މާލޭގައި އިމްތިހާންތައް ކުރިއަށް ގެންދަނީ 21 ސެންޓަރެއްގަ އެވެ. އަދި އަތޮޅުތަކުގެ 246 ސެންޓަރެއްގައި އިމްތިހާންތައް ކުރިއަށްދާނެ އެވެ.
ސަރުކާރުން މިދިޔަ އަހަރު ވަނީ އޯ ލެވެލް އިމްތިހާނުގައި ބައިވެރިވާ ކުދިން މަޖުބޫރު ހަތަރު މާއްދާ ހަދަން ޖެހޭ ގޮތަށް ބަދަލުކޮށް، އެ މާއްދާތަކަށް ސަރުކާރުން ފައިސާ ދައްކާ ގޮތަށް ވެސް ނިންމައިފަ އެވެ. އެއީ ދިވެއްސާއި އިސްލާމާއި އިނގިރޭސި އަދި ހިސާބު މާއްދާ އެވެ.
އޯލެވެލް އަދި އެސްއެސްސީ އިމްތިހާނުތައް މާޗް 6 ވަނަ ދުވަހާ ހަމަައަށް ކުރިއަށްދާނެ އެވެ.
