މިއީ މާލޭން ބޭރުގައި ގާއިމްކޮށް ހިދުމަތްދޭން ފެށި ފުރަތަމަ ކެތު ލެބެވެ. އައްޑޫ އިކުއެޓޯރިއަލް ހޮސްޕިޓަލުގެ ކެތުލެބުގެ ހިދުމަތް ފެށީ ސަރުކާރުގެ މައި ހޮސްޕިޓަލު އައިޖީއެމްއެޗާ ގުޅިގެންނެވެ.
އޭއީއެޗުން މިއަދު ބުނީ ހިދުމަތް ފެށިތާ ދެ ދުވަސްތެރޭ 7 މީހަކަށް ހިދުމަތް ދީފައިވާ ކަމަށެވެ. ސީއީއޯ ޑރ. އިބްރާހިމް ޔާސިރު ވިދާޅުވީ އޭގެ ތެރޭގައި ހިމެނެނީ އެންޖިއޯ ގްރާމްގެ ފަރުވާ ހޯދި ހަތަރު މީހަކާއި ސިކުނޑީގެ އެންޖިއޯ ގްރާމްގެ ފަރުވާ ދިން އެކަކާއި އެންޖިއޯ ޕްލާސްޓީގެ ހިދުމަތް ހޯދި ދެ މީހެކެވެ.
އެންޖިއޯ ގްރާމަކީ މައްސަލައެއް ހުރިތޯ ބެލުމަށް ހަދާ ޓެސްޓެކެވެ. އޭގެ އަސްލު ފަރުވާއަކީ އެންޖިއޯ ޕްލާސްޓީ އެވެ.
އައްޑޫގައި ކެތު ލެބްގެ ހިދުމަތް މި ފެށީ އެތަން ގާއިމުކުރިތާ ދެ އަހަރެއްޖާ ދުވަހުންނެވެ. ކެތު ލެބް ގާއިމުކޮށް ނިންމީ 2023 އޮކްޓޯބަރު މަހުގެ ތެރޭގަ އެވެ.
ސަރުކާރުގެ ހޮސްޕިޓަލެއްގައި ކެތު ލެބެއް އެންމެ ފުރަތަމަ ހުޅުވީ 2016 ވަނަ އަހަރު އައިޖީއެމްއެޗުގަ އެވެ. މިހާރު އެފަދަ ލެބެއް އޭޑީކޭ ހޮސްޕިޓަލުގައި ވެސް ހުރެ އެވެ.
