މިދިޔަ އޮގަސްޓް މަހުގެ ފަހުކޮޅު ސާޖިދު އެ މަގާމަށް އައްޔަން ކުރެއްވީ, ސަރުކާރު ހިންގާ ޕީއެންސީގެ ޕާލަމެންޓްރީ ގުރޫޕުގެ ސީނިއާ ޑެޕިއުޓީ ލީޑަރު, އިބްރާހީމް ޝުޖާއު (ޝުޖާ)އަށް ތުހުމަތަކެއް ކުރެވޭ, ފައިނޭންޝިއަލް އިންޓެލިޖެންސް ރިޕޯޓެއް ލީކް ވެފައި ވަނިކޮށް, އެފްއައިޔޫގެ އޭރުގެ ވެރިއަކަށް ހުންނެވި އަބްދުﷲ އަޝްރަފް, މަގާމުން ދުރުކޮށްފައެވެ.
އެހެންނަމަވެސް މިދިޔަ ޑިސެމްބަރު މަހުގެ ތެރޭގައި ސާޖިދުގެ މައްޗަށް ޖިންސީ ފުރައްސާރައިގެ ތުހުމަތުކޮށް މަގާމުން ސަސްޕެންޑުކުރިއެވެ.
ސާޖިދުގެ މި މައްސަލަ ބެލީ އެމްއެމްއޭގެ ކޮމެޓީއަކުންނެވެ. އެ ކޮމެޓީން ވަނީ ސާޖިދު ޖިންސީ ފުރައްސާރަ ކުރި ކަމަށް ސާބިތުވާ ކަމަށް ނިންމާފައެވެ. އަދި އޭނާ މަގާމުން ވަކިކުރަން ފެންނަ ކަމަށް ކޮމެޓީން ނިންމާ އެ ނިންމުން ވަނީ އެމްއެމްއޭގެ މެނޭޖްމަންޓަށް އަންގާފައެވެ. ކޮމއޓީގެ ލަފަޔާއި އެކު ސާޖިދު މިއަދު ވަނީ މަގާމުން ވަކިކޮށްފައެވެ.
އެފްއައިޔޫ އަކީ މަނީ ލޯންޑަރިން އާއި ޓެރަރިޒަމަށް ހަރަދުކުރުމާއި ކުށްކޮށްގެން ހޯދާ މުދަލާ ގުޅޭ މައުލޫމާތުތައް ކަމާބެހޭ ފަރާތްތަކަށް ފޮނުވަން ހަދާފައިވާ އެމްއެމްއޭގެ ޔުނިޓެކެވެ. އެ މަގާމަށް އައްޔަނުކުރުމުގެ ބާރު ލިބިގެން ވަނީ އެމްއެމްއޭގެ ގަވަރުނަރަށެވެ.
