އެ ކުންފުނީގެ ހިންގާ ގަވާއިދުގައިވާ ގޮތުން، ހިއްސާ ބެހިފައިވާ ނިސްބަތަށް ބަލާއިރު، ޑިރެކްޓަރުންގެ ބޯޑަށް އާންމު ހިއްސާދާރުންގެ ފަރާތުން އެއް ޑިރެކްޓަރު އަދި ސަރުކާރު ނުވަތަ މައި ހިއްސާދާރުގެ ފަރާތުން ހަ ޑިރެކްޓަރުން އިންތިހާބު ކުރަން ޖެހެ އެވެ.

އެ މަގާމަށް ކުރިމަތިލެވޭނީ އެސްޓީއޯގެ ހިއްސާ އޮންނަ، އުމުރުން 30 އަހަރު ވެފައިވާ ދިވެއްސަކަށެވެ.

މީގެ އިތުރުން، އެސްޓީއޯ ނުވަތަ އެސްޓީއޯގެ ސަބްސިޑިއަރީ ކުންފުންޏެއްގައި، ނުވަތަ ވިޔަފާރީގެ މަސްލަހަތު ފުށުއަރާ ކުންފުންޏެއްގައި ފާއިތުވި އެއް އަހަރު ތެރޭގައި ވަޒީފާ އަދާކޮށްފައިވާ ފަރާތަކަށް ވެގެން ނުވާނެ ކަމަށްވެސް އިއުލާނުގައި ބަޔާންކޮށްފައި ވެއެވެ.

މި މަގާމަށް ކުރިމަތިލުމަށް އެދޭ ފޯމާއި ލިޔެކިޔުންތައް ހުށަހެޅުމުގެ އެންމެ ފަހު ސުންގަޑިއަކީ 25 ފެބްރުއަރީ 2026 ވާ ބުދަ ދުވަހުގެ މެންދުރުފަހު 3:00 އެވެ. ފޯމު ހުށަހަޅަންޖެހޭނީ އެސްޓީއޯގެ ކޮމްޕެނީ ސެކްރެޓޭރިއަޓަށް އީމެއިލް މެދުވެރިކޮށެވެ.