އެކްސްގައި މިއަދު ކުރެއްވި ޕޯސްޓެއްގައި ރައީސް ނަޝީދު ވިދާޅުވީ ދަރަނި ނަގައިގެން ދައްކަނީ ކުރީގެ ދަރަނި ކަމަށެވެ.
ރާއްޖޭގެ ބޭރުގެ ދަރަނީގެ ބޮޑު ބައެއް ޗައިނާއަށް ދައްކަން ޖެހޭއިރު، ނަޝީދު މީގެ ކުރިން ތަކުރާރުކޮށް ވަނީ، އެ ގައުމުން "ދަރަނި ދަންތުރަތަކެއް"ގައި ޖައްސާ ކަމަށް ތުހުމަތު ކުރައްވައިފަ އެވެ.
ނަޝީދު މިފަދައިން ވިދާޅުވިއިރު ޕެންޝަން އޮފީހުގެ ބޮންޑުގެ މުއާމަލާތާ ގުޅިގެން، އެ އޮފީހުގެ ބޯޑުގެ ޗެއާޕާސަން ޑރ. އަހުމަދު އިނާޒް ވެސް މިއަދު ވަނީ އިސްތިއުފާ ދެއްވާފަ އެވެ.
ރާއްޖޭގެ ދަރަނި ބޮޑުވުމާ ގުޅޭ ގޮތުން ބޭރުގެ މާލީ އިދާރާތަކުން ވެސް ކަންބޮޑުވުން ފާޅުކޮށް، ސަރުކާރުން ހަރަދު ކުޑަކުރަން ގޮވާލައިފައި ވެއެވެ.
