މިއަހަރަށް ރިޔާސީ ބަޔާން އިއްވެވުމަށް ބާއްވާ ރައްޔިތުން މަޖިލީހުގެ ޖަލްސާ އޮންނާނީ މާދަމާ ހެނދުނު 9:00 ގައެވެ.
މި ޖަލްސާ މާދަމާ އޮންނާތީ އެ ސަރަހައްދުގެ ބައެއް މަގުތަކުގައި ޕާކުކޮށްފައި ހުރި އުޅަނދުތައް ނެގުމަށް ފުލުހުން ވަނީ އަންގާފައެވެ. ފުލުހުން ބުނީ އެ އިދާރާއިން ފާހަގަކޮށްފައިވާ ސަރަހައްދުތަކުގައި ޕާކުކޮށްފައިވާ އުޅަނދުތައް މިއަދުގެ 18:00 ގެ ކުރިން އެ ސަރަހައްދުތަކުން ނަގާ އެ ސަރަހައްދު ހުސްކޮށްދިނުމަށް އެދޭކެމަށެވެ. އަދި މިފަދަ ކަންކަމުގައި އާންމު ރައްޔިތުންގެ ފަރާތުން ލިބޭ އެއްބާރުލުމަށް ފުލުހުން ވަނީ ޝުކުރު އަދާކޮށްފައެވެ.
ވެހިކަލްތައް ނަގަން ފުލުހުން އެންގި ސަރަހައްދުތައް
ވެހިކަލްތައް ނަގަން ފުލުހުން އެންގި ބައެއް ސަރަހައްދުތައް
ގާނޫނުއަސާސީގައިވާ ގޮތުން ރިޔާސީ ބަޔާނަކީ ގައުމުގެ ހާލަތު ބަޔާންކޮށްދީ އަދި ގައުމުގެ ހާލަތު އިތުރަށް ރަނގަޅުކުރުމަށްޓަކައި ކުރަން ޖެހޭ ކަމަށް ރައީސަށް ފެނިވަޑައިގަންނަވާ ކަންކަމުގެ މައްޗަށް އެކުލެވޭ ބަޔާނެކެވެ. ރިޔާސީ ބަޔާން އިއްވާ ޖަލްސާ މާދަމާ އޮންނާތީ މާދަމާ އަކީ ސަރުކާރު ބަންދު ދުވަހެއްގެ ގޮތުގައި ވަނީ ހަމަޖައްސާފައެވެ.
