މިދިޔަ އަހަރުގެ ޖުލައި މަހު ހަވާލުކުރި މި އެމްބެސެޑާޝިޕް ސަސްޕެންޑް ކޮށްފައިވަނީ މިދިޔަ މަހުގެ ތެރޭގައެވެ. ވީއެމްސީން މި ފިޔަވަޅު އަޅަން ނިންމީ، ފައިސާގެ ކަންކަމުގައި އެ ބޭންޑާ މެދު ފެތުރެމުންދާ ވާހަކަތަކާއި ތުހުމަތުތަކުގެ ސަބަބުން ވިޒިޓް މޯލްޑިވްސްއަށް ނޭދެވޭ އަސަރު ކުރާތީއެވެ.
ބޭންޑް ރޫޅި މެމްބަރުން ވަކިވުން: "2 އޮފް އަސް" އުފެދުނުއިރު 5 މެމްބަރުން ތިބި ނަމަވެސް، މިހާރު ބޭންޑުގައި ތިބީ އެންމެ ދެ މެމްބަރުންނެވެ. އެއީ އަދުހަމް އާއި އަބްދުﷲ ޝަމްރޫހް އެވެ.
ބޭންޑުގެ މެމްބަރުން ވަކިވުމާ ގުޅޭގޮތުން ފާހަގަކޮށްލެވޭ ކަންކަން:
ޝަހީދު ލެގަސީ: ބޭންޑުގެ ގިޓަރިސްޓް އަޙްމަދު ޝަހީދު ބޭންޑާ ދުރަށް ދިޔައީ މިދިޔަ މަހުއެވެ. އޭނާ ބުނެފައިވަނީ ވަކިވީ މާލީ ކަންކަން ހާމަކަން ބޮޑު ގޮތެއްގައި ނުގެންގުޅޭތީއާއި، އެއްބަސްވެފައިވާ ގޮތަށް އުޖޫރަ ނުދިނުމުން ކަމަށެވެ.
އެހެން މެމްބަރުން: މިދިޔަ އަހަރުގެ މެދުތެރޭގައި ލީޑް ވޯކަލިސްޓް މުޙައްމަދު ނަސޫހު، އަޙްމަދު ޖަޝީމް އަދި މުޙައްމަދު ހިޝާމް ވެސް ވަނީ ބޭންޑުން ވަކިވެފައެވެ.
މި މެމްބަރުން ނެރުނު ބަޔާނުގައި ވެސް ވަނީ ފައިސާގެ މުއާމަލާތްތަކުގެ ވާނުވާ ނޭނގުމާއި، މެމްބަރުންނަށް ބަރާބަރަށް ފައިސާ ނުދޭ ކަމުގެ ތުހުމަތުކޮށްފައެވެ. އަދި ބޭންޑުގެ އޮނިގަނޑު އޮތީ ބޭންޑެއްގެ ރޫހާ ޚިލާފަށް، އެކަކު ހިންގާ އޮޕަރޭޝަނެއްގެ ގޮތުގައި ކަމަށާއި، އިހުތިރާމް ކުރުން ނެތްކަން ވެސް އެފަރާތްތަކުން ވަނީ ފާހަގަކޮށްފައެވެ.
