ރާއްޖޭގައި ފުރަތަމަ ފަހަރަށް ދޭ މި އެވޯޑް ދެނީ މޯލްޑިވްސް އެއަރޕޯޓްސް ކޮމްޕެނީ ލިމިޓެޑް (އެމްއޭސީއެލް) އިންނެވެ.
މި ފަހަރުގެ އެވޯޑްގައި 3 ދާއިރާއަކުން 22 އެވޯޑް ދިނުމަށް ވަނީ ނިންމާފައެވެ. އެ ދާއިރާތަކަކީ ފަސެންޖާ އެވޯޑްސްއާއި ކާގޯ އެވޯޑްގެ އިތުރުން ލައުންޖް އެވޯޑްސްއެވެ.
މީގެއިތުރުން އަހަރުގެ އެންމެ ކާމިޔާބު އެއާލައިން ފާހަގަކޮށް އެ އެއާލައިނަށް ހާއްސަ އެވޯޑެއް ދިނުމަށްވެސް ވަނީ ނިންމާފައެވެ.
ވައިގެ ދަތުރުފަތުރުގެ ސިނާއަތަށް ހާއްސަކޮށްގެން ފުރަތަމަ ފަހަރަށް ދޭ މި އެވޯޑް ދިނުން އޮންނާނީ މި އަހަރުގެ މި މަހުގެ 12 ވަނަ ދުވަހުގެ ރޭ ކްރޮސްރޯޑްސް މޯލްޑިވްސްގައެވެ.
