މިނިސްޓަރު މިހެން ވިދާޅުވީ ކޮންގްރެސްގެ ކެންޑިޑޭޓުންގެ ފޮޓޯއަކާއެކު ރޭ ކުރެއްވި ޕޯސްޓެއްގަ އެވެ. މިނިސްޓަރު ޝިޔާމަކީ މި ފަހުން ނައިފަރުން އުފެދުނު އެންމެ ވަރުގަދަ ސިޔާސީ ލީޑަރެވެ. ނައިފަރު ދާއިރާގެ މަޖިލީސް މެންބަރު ކަން ވެސް ދެ ދައުރު ކުރައްވާފައިވެ އެވެ.
ޝިޔާމް ވިދާޅުވީ ލާމަރުކަޒީ ނިޒާމު ތަސައްވަރު ކުރާގޮތަށް ރަށުގެ ތަރައްގީއާއި ރައްޔިތުންނަށް ފޯރުކޮށްދޭންޖެހޭ ހިދުމަތްތައް ދިނުމުގައި، އެ ނިޒާމަށް ފަރިތަ، އަހުލުވެރި ބަޔަކު ކައުންސިލްގައި ތިބުމަކީ ވެސް ނުހަނު ބޭނުންތެރި ކަމެއް ކަމަށެވެ.
އެގޮތުން ކައުންސިލްގެ ރައީސް މުޙައްމަދު ރަޝީދުއާއެކު މިހާރުވެސް ކައުންސިލްގައި ތިބި ދެ މެންބަރުން ހިމެނޭހެން އިންތިހާބުގައި ކައުންސިލްގެ މެންބަރުކަމަށާއި، އަންހެނުންގެ ތަރައްގީއަށް މަސައްކަތް ކުރާ ކޮމިޓީއަށް ކުރިމަތިލައްވާފައިވާ ޕީއެންސީގެ ކެންޑިޑޭޓުންނަކީ ތަޖުރިބާކާރު، ގާބިލް، އެންމެންނާ ގުޅޭ ރަށުގެ ކުރިއެރުމާއި ތަރައްޤީގެ ރޭހުގައި ނަތީޖާ ނެރެދޭނެ ކެންޑިޑޭޓުން ކަމާމެދު އެއްވެސް ޝައްކެއް ނެތް ކަމަށްވެސް ވިދާޅުވި އެވެ.
