ރޯދަމަހުގެ ފަހުދިހައަކާއި އީދު ބަންދާ އެކު، އަންނަ ހޯމަ ދުވަހުން ފެށިގެން މި މަހު 21 ވަނަ ދުވަހާ ހަމައަށް ސަރުކާރު ބަންދުވާނެ އެވެ. އެ ބޮޑު ބަންދަށް ފަހު ސަރުކާރު އޮފީސްތައް ދެން ހުޅުވާނީ މި މަހު 22 ގަ އެވެ. 

ޑީއެންއާރު އިން މިއަދު ކުރި އިއުލާނެއްގައި ބުނީ އައިޑީކާޑު ދޫކުރުމުގެ ހިދުމަތް ރޯދަމަހުގެ ފަހުދިހައިގެ ދުވަސްތަކުގައި ދޭން ވަކި ދުވަސްތަކަކާއި ގަޑިތަކެއް ކަނޑައަޅާފައިވާ ކަމަށެވެ.

އައިޑީކާޑު ދޫކުރުމުގެ ހިދުމަތް ލިބޭނެ ދުވަސްތަކަކީ މި މަހު 11، 15، 17 އަދި 19 ވަނަ ދުވަހު ހެނދުނު 9:00 އިން މެންދުރު ފަހު 1:00 އަށެވެ. 

މީގެއިތުރުން އިމަރޖެންސީ ހާލަތްތަކުގައި ޑީއެންއާރު ޑީޕާޓްމަންޓުގެ ނަންބަރު، 7280368 އަށް ގުޅުމުން ހިދުމަތް ލިބޭނެ ކަމަށްވެސް އެ އިދާރާއިން ބުނެ އެވެ.