މި މައްސަލައަކީ މީގެ ދެ އަހަރުން ކުރިން ސަލްމާން މިސްކިތް ކައިރީ މީހަކަށް ހަމަލާދީ މާރާމާރީ ހިންގި މައްސަލައެކެވެ. އެ މީހާއަށް ހަމަލާދީފައިވަނީ އަށް މީހުން ހިމެނޭ ގްރޫޕަކުންނެވެ.
މި މައްސަލާގައިވާ ގޮތުުން މި މީހުން ހަމަލާދީ އަނިޔާކޮށް މާރާމާރީ ހިންގާފައިވަނީ ޖިނާއީ ކުށެއްގައި ހިމެނޭ މީހަކާއި ދެކޮޅަށް ހެކިބަސް ދިން މީހަކަށެވެ. އަދި ބަދަލު ހިފުމުގެ ގޮތުން ކޮށްފައިވާ އަމަލެއްކަމަށްވެސް މި މައްސަލާގައިވެއެވެ.
މި މާރާމާރީއާ ގުޅިގެން ދައުލަތުން ދައުވާކޮށްފައި ޒުވާނަކީ އޭނާގެ އުމުރުން 18 އަހަރުވުމުގެ ކުރިންވެސް މާރާމާރީ ހިންގައިގެން ހައްޔަރުކޮށްފައިވާ ޒުވާނެކެވެ. އަދި އޭނާއަކީ ކުށުގެ ރިކޯޑް ގިނަ ޒުވާނެކެވެ.
މި މައްސަލަ ނިންމާ ކޯޓުން ިއެއްވި ހުކުމުގައި ވަނީ އެމީހާ އެއް މަހާއި 15 ދުވަހަށް ޖަލަށްލުމަށް ހުކުމްކޮށްފައެވެ. އެހެންނަމަވެސް މި މައްސަލައިގެ ބަންދުގައި އޭނާ 75 ދުވަހު ހުރުމުން ދެން އެ މައްސަލައިގައި އޭނާ ޖަލުގައި ތަންފީޒު ކުރަން ޖެހޭނެ ދުވަހެއް ނެތެވެ.
