މިނިސްޓަރު ވިދާޅުވީ ފްލެޓު ކުއްޔަށް ދިނުމަކީ ސޯޝަލް ހައުސިން ސްކީމު ހިންގާ މަގްސަދާއި އުސޫލުތަކާއި ސިޔާސަތުތަކަށް ބަލާއިރު ކުރެވޭނެ ކަމެއް ނޫން ކަމަށެވެ.
މުއްތަލިބު ވިދާޅުވީ ހިޔާ ފްލެޓުގައި ހިންގާ ލޭބާ ކުއާޓާތައް ހުއްޓުވުމަށް ނޯޓިސްދީ، އެފަދަ ތަންތަން ހުސްކުރަމުން ވެސް އަންނަ ކަމަށެވެ.
މުއްތަލިބު ވިދާޅުވީ ހިޔާ ފްލެޓާއި ހުޅުމާލެއިން ދެން ދީފައިވާ އެހެން ފްލެޓުތަކަށް ފިޔަވަޅު އެޅުމުގައި އުނދަގޫތަކެއް އެބަހުރި ކަމަށާއި އެންމެ ބޮޑު މައްސަލައަކީ އެ ތަންތަން ދީފައި ހުރީ ސޭލްސް އެންޑް ޕާޗޭސް މޮޑެލްގެ ދަށުންނެވެ.
މިދިޔަ އޮކްޓޫބަރު މަހު، ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)އާއި އެފްޑީސީން ވަނީ، ކުއްޔަށް ދޫކޮށްފައިވާ ސޯޝަލް ހައުސިން ފުލެޓްތައް ހޯދުމުގެ މަސައްކަތް ފަށައިފައިވާ ކަމަށް ބުނެފައެވެ.
މުއްތަލިބު އިތުރަށް ވިދާޅުވީ އެޗްޑީސީން އާންމުކޮށް އަންގަމުން ނުދާ ނަމަވެސް، ބިދޭސީންނަށް ލޭބާ ކުއާޓާސްގެ ގޮތުގައި ދީފައިވާ ފުލެޓުތައް ހޯދައި، ނޯޓިސް ދިނުމުގެ މަސައްކަތް އެ ކުންފުނިން ކުރިއަށްގެންދާ ކަމަށެވެ.
