ފުލުހުން ބުނީ ހޯދަމުން ދިޔައީ އާއިޝަތު ނާދިރާ (41އ)، ނާގަލި / ތ. ހިރިލަންދޫކަމަށެވެ.
އޭނާ ހައްޔަރުކޮށް ކޯޓަށް ހާޒިރު ކުރުމުން އޭނާ 15 ދުވަހަށް ބަންދުކޮށްފައި ބެހެއްޓުމަށް ކްރިމިނަލް ކޯޓުން ވަނީ މުއްދަތު ޖަހާދީފައެވެ.
ބަންދު ޖަހަން ގެންދިޔަ ޝަރީއަތުގައި ވާހަކަ ދައްކަމުން މި އަންހެން މީހާ ބުނެފައިވަނީ އޭނާއަކީ ބަލި މީހެއް ކަމަށެވެ. އަދި ވަކީލެއްގެ ފުރުސަތު ދިނުމަށް އޭނާ އެދިފައިވެއެވެ. އޭނާގެ މި ވާހަކަތަކާއި ގުޅިގެން މައްސަލަ ބެއްލެވި ގާޒީ ވިދާޅުވީ އޭނާ ވަކީލަކު އައްޔަންކޮށްފިނަމަ ބަންދު އަމުރު މުރާޖައާ ކުރާނެކަމަށެވެ.
ފުލުހުން ބުނީ މި އަންހެން މީހާ ހޯދަމުން އައީ އެންޓި ސްކޭމް ސެންޓަރުން ތަހުގީގު ކުރަމުންދާ މައްސަލައެއްގެ ތަހުގީގަށް ހާޒިރުކުރަން ބޭނުންވެގެންކަމަށެވެ. މި މީހާ އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ، ޖިނާއި މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގޮތުގެމަތިން ތަހުގީގަށް ހާޒިރުވުމަށް އަންގާ ފުލުހުން ނޯޓިސް ނެރުނީ މިއަދު ހެނދުނުއެވެ.
