އެފްއެސްއެމް އިން ބުނީ މިއަދުން ފެށިގެން ޕެޓްރޯލް ލީޓަރެއް ގަންނަން ލިބޭނީ 16.01 ލާރިއަށްކަމަށެވެ. މީގެކުރިން ޕެޓްރޯލް ލީޓަރެއް ހުރީ 13:50 ލާރިއަށެވެ. އެހެންކަމުން މީ 2.51 ލާރީގެ ބޮޑު ވުމެކެވެ.
އެފްއެސްއެމްއިން ވިއްކާ ޑީސަލްގެ އަގަށްވެސް މިއަދުން ފެށިގެން ވަނީ ބަދަލު ގެނެސްފައެވެ. އެ ކުންފުނިން ބުނީ މިއަދުން ފެށިގެން ޑީސަލް ލީޓަރެއް ގަންނަން ލިބޭނީ 17.54 ލާރިއަށްކަމަށެވެ. މީ 3.62 ގެ ބޮޑުވުމެކެވެ.
ދުނިޔޭގެ ބާޒާރުގައި ތެލުގެ އަގަށް ބަދަލު އައިސްފައިވަނީ މެދުއިރުމަތީގައި މިހާރު ހިގަމުން އަންނަ ހަނގުރާމައާއި ގުޅިގެން އީރާނުން ހޮރްމޫޒް ކަނޑުއޮޅި ބަންދުކުރުންނެވެ. އެ ކަނޑުއޮޅިއަކީ ދުނިޔޭގެ އެކި ތަންތަނަށް ތެޔޮ އުފުލާ މައި ކަނޑުއޮޅި އެވެ.
އެފްއެސްއެމްއިން ތެލުގެ އަގުތައް ބޮޑުކޮށްފައި މި ވަނީ ދުނިޔޭގެ ބާޒާރުގައި ތެލުގެ އަގު މިވަގުތު އުފުލިފައި ވާތީ އެވެ. ދުނިޔޭގެ މާކެޓްގައި އެވްރެޖްކޮށް ސާފުނުކުރާ ތެޔޮ ފީފާއެއްގެ އަގު ވަނީ 81 ޑޮލަރަށް މިއަދު އަރައިފަ އެވެ.
ދުނިޔޭގެ ބާޒާރުގައި ތެޔޮ ގަންނަން ލިބޭ އަގަށް އަންނަ ބަދަލުތަކާއި އެކުރާއްޖޭގައި ތެޔޮ ވިއްކާ އަގުތަކަށް ވެސް މީގެ ކުރިން ވެސް ބަދަލުތައް އާދެ އެވެ.
