އިސްލާމީ އުންމަތުގެ ދުޝްމަނުން، މި އުންމަތް ބަލިކަށިކޮށް ބައިބައިކޮށްލުމަށް އެ ދަނީ ގިނަގުނަ މަސައްކަތްތަކެއް ކުރަމުން އަންނަކަން ހުތުބާގައި ވަނީ ފާހަގަކޮށްފައެވެ.
އެގޮތުން އުންމަތުގެ ކަންކޮޅުތަކުގައި ލޭއޮހޮރުވައިލައި، އިސްލާމީ ޤައުމުތަކުގެ މެދުގައި ބައިބައިވުން އުފެއްދުމަށް ކުރަމުންދާ މަސައްކަތް ފެންނަމުން ދާކަމަށް ހުތުބާގައިވެއެވެ.
މުސީބާތާއި ނުރައްކާތެރިކަންކަމުގެ ކުރިމަތީގައި ކެތްތެރިކަން އިސްލާމީ އުއްމަތުން އިސްކޮށް ހިކުމަތްތެރިވާންޖެހޭނެކަމަށް ހުތުބާގައި ވަނީ ގޮވާލާފައެވެ. އަދި އިސްލާމީ އުންމަތަށް ނަސްރެއް ލިބޭނީ އުންމަތް އެކަތިގަނޑަކަށްވެގެންކަމަށާއި ބައިބައިވެއްޖެ ނަމަ އުންމަތް ބަލިކަށިވެދާނެކަމަށް ހުތުބާގައި ވަނީ އިލްތިމާސްކޮށްފައެވެ.
އިސްލާމީ އުއްމަތުގެ އެއްބައިވަންތަކަށް މިއަދުގެ ހުތުބާގައި ގޮވާާލާފައި މިވަނީ ޔަހޫދީންނާއި އެމެރިކާއި އިސްވެ އޮވެ އިރާނަށް ހަމަލާދެމުން އަންނަ ދަނޑިވަޅެއްގައެވެ.
