ޒުވާނުންނަށް ހެޔު މަގުގައު މަސައްކަތް ކުރުމަށް ގޮވާލާ ހުތުބާގައި ބުނީ ރަމަޟާން މަހަކީ ނަސްރާއި ފަތަހައިގެ މައްސަރުކަމަށާއި އަދި ރަމަޟާން މަހަކީ ތަރުބަވީ މަދުރަސާއެއްކަމަށެވެ. އެހެންކަމުން ޒުވާނުން އިސްލާމީ ހަޝާރާތު އިއާދަކުރުމަށް ވަނީ ހުތުބާގައި ގޮވާލާފަ އެވެ.
އަދި ރޯދަމަހުގެ ފަހުދިހައެއް މީ ޒުވާނުންގެ ޒުވާނުންގެ ނަފްސުތައް ތަރުބިޔަތު ކުރަން އޮތް ރަނުގެ ފުރުސަތަކެއް ފާހަގަކުރަމުން މައިންބަފައިން ޒުވާނުންނާ މެދު ކުރަމުން އަންނަ އުންމީދުތައް ހަޤީޤަތަކަށް ހަދަން މުރާލިކަމާ އެކު ތެދުވުމަށް ހުތުބާގައިވަނީ ގޮވާާލާފައެވެ.
އިސްލާމީ ސަގާފަތާއި ހަޟާރަތު އިއާދަވެ މުސްލިމުންނަށް އިއްޒަތާއި ޝަރަފު ލިބޭނީ، އިސްލާމީ އަޤީދާ ވަރުގަދަކޮށް، ދެ ޖިންސުގެ މުސްލިމު ޒުވާނުން އިލްމާއި ފަންނިއްޔާތުގައި ކުރިއަރައިގެންކަމަސް ހުތުބާގައިވެއެވެ. އެހެންކަމުން ރަމަޟާންމަހަކީ އަހަރެމެންގެ ވިސްނުމާއި ފިކުރު ހެޔޮމަގަށް ގެންނާން އޮތް އެންމެ ހެޔޮ ވަގުތުކަން ފާހަގަކޮށް އަޒުމު ވަރުގަދަ ބަޔަކަށް ވާން ޒުވާނުންނަށް ހުތުބާގައި ވަނީ ގޮވާލާފަ އެވެ.
