ޓްރިވަންޑްރަމަކީ މިހާރު ވެސް ގިނަ އަދަދަކަށް ދިވެހިން ބޭސް ފަރުވާއަށް ގޮސް އުޅޭ ތަނެކެވެ. މޯލްޑިވިއަނުން އެއްބަސްވުން ހެދި އަނަންތަޕޫރީ ހޮސްޕިޓަލަކީ މަލްޓި ސްޕެޝަލިޓީ ހޮސްޕިޓަލެކެވެ.

މޯލްޑިވިއަނުން ނެރުނު ބަޔާނެއްގައި ބުނީ މި އެމްއޯޔޫގެ ބޭނުމަކީ ފަސޭހައިން ސިއްހީ އެހީތެރިކަން ލިބޭނެ މަގު ތަނަވަސްކޮށް ދިނުމުގެ އިތުރުން ދިވެހި ފަސިންޖަރުންނަށް ސިއްހީ އެހީ ހޯދުމުގައި އިތުރު ފައިދާތައް ލިބޭނެ ގޮތް ހެދުން ކަމަށެވެ. 

އަނަންތަޕޫރީ ހޮސްޕިޓަލުން ލިބޭ ހާއްސަ ހިދުމަތްތައް:

• އެޑްމިޓްކޮށްގެންދޭ ފަރުވާ (IP) އަދި އެޑްމިޓްނުކޮށްދޭ ފަރުވާ (OP) ތަކުން ހާއްސަ ޑިސްކައުންޓްތަކެއް ލިބުން.
• ހެލްތު ޗެކަޕް ޕެކޭޖްތަކުން %15 ގެ ޑިސްކައުންޓް
• ލެބޯޓަރީ ޓެސްޓްތަކާއި ރޭޑިއޮލޮޖީގެ ހިދުމަތްތަކުން %10 ގެ ޑިސްކައުންޓް
• ތުރިވަނަންތަޕޫރަމް އިންޓަރނޭޝަނަލް އެއާޕޯޓުން ހޮސްޕިޓަލަށް ދިއުމަށް ހިލޭ އެމްބިއުލާންސްގެ ހިދުމަތް.

އޭގެ އިތުރުން އަނަންތަޕޫރީ ހޮސްޕިޓަލުން ބަލި މީހުންނަށް އެޕޮއިންޓްމެންޓް ހަމަޖައްސައިދިނުމާއި އެހެނިހެން ހިދުމަތްތައް ހޯދުމުގައި އެހީތެރިވާނެ ކަމަށް ވެސް މޯލްޑިވިއަންއިން ވިދާޅުވެ އެވެ. އަދި އުމުރުން ދުވަސްވީ ފަސެންޖަރުންނަށް ހާއްސަކޮށްގެން އިނގިރޭސި އަދި ދިވެހި ބަހުން ވާހަކަ ދައްކަން އެނގޭ މުވައްޒަފުން އެސިސްޓެންޓުންގެ ގޮތުގައި ތިބޭނެ އެވެ.

އެހެންކަމުން މޯލްޑިވިއަންއިން ޓްރެވެންޑްރަމަށް ދަތުރުކުރާ ފަސެންޖަރުން އެ ހިދުމަތްތައް ބޭނުންނަމަ އަނަންތަޕޫރީ ހޮސްޕިޓަލަށް ގުޅައިގެން ހަމަޖެއްސުމަށް ވެސް އައިލެންޑް އޭވިއޭޝަނުން ބުންޏެވެ.