މެދުއިރުމަތީގައި މިހާރު ހިނގަމުންދާ ހަނގުރާމައާއި ގުޅިގެން ރާއްޖެއަށް ދަތުރުކުރާ ބައެއް އެއަލައިންތައް ހުއްޓާލާފައިވުމާއި އެކު އިތުރު މާކެޓުތަކުން އެއަރލައިންތައް ގެނައުމުގެ މަސައްކަތް ސަރުކާރުން ދަނީ ކުރަމުންނެއެވެ.
ރައީސްގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުން ޓްރާންސްޕޯޓް މިނިސްޓަރު މުހައްމަދު އަމީން ވިދާޅުވީ، މެދުއިރުމަތީގެ ހާލަތާ ގުޅިގެން ކުރިން 18 ނުވަތަ 19 ފްލައިޓެއް ކެންސަލްވި ނަމަވެސް، ސަރުކާރުން ކުރި މަސައްކަތުން އެމިރޭޓްސް، ގަތަރު އެއަރވޭސް އަދި އިއްތިހާދު އެއާވޭސްގެ ދަތުރުތައް މިހާރު ވަނީ އަލުން ފަށާފައިކަމަށެވެ. އަދި ފްލައި ދުބާއީއާއި އެއާ އަރަބިއާގެ ދަތުރުތައްވެސް ވަނީ ފަށާފައިކަމަށެވެ.
ރާއްޖެ އަށް މިހާރު ދަތުރުކުރާ އެއަރލައިންތަކުގެ ތެރޭގައި ގިނައީ އޭޝިއާ ސަރަޙައްދުގެ އެއާލައިންތަކެވެ. އެގޮތުން އޭޝިއާ ސަރަޙައްދުގެ 16 އެއާލައިނަކުން އަންނަނީ ދަތުރުކުރަމުންނެވެ. ޔޫރަޕްގެ 13 އެއާލައިނަކުން އަދި މެދުއިރުމަތީގެ 6 އެއާލައިނަކުން ދަތުރުކުރެ އެވެ.
