ނަޝީދުގެ އިތުރުން ގަލޮޅު ދެކުނު ދާއިރާގެ މެންބަރު މީކާއިލް އަހުމަދު ނަސީމް ވާދަކުރައްވާ ވާދަވެރި އެމްޑީޕީގެ ޗެއާޕާސަންގެ އިންތިހާބު ބާތިލްކުރަން ކޯޓަށް ހުށަހެޅުއްވީ ވަކީލް އަބްދުﷲ ޝާއިރު އެވެ. އެ މައްސަލައިގައި ބުނެފައިވަނީ އިންތިހާބަށް ކޮށްފައިވާ އިއުލާނަކީ ނަޝީދުގެ ކެމްޕޭން ހަރަކާތްތަކަށް ހުރަސްއެޅޭ ގޮތަށް ނެރެފައިވާ އިއުލާނެއް ކަމަށެވެ.
ވަހީދު ވިދާޅުވީ ކޯޓަށް ދިޔައީ ނަޝީދުގެ ފަރާތުން ނޫން ކަމަށާއި އެ ޓީމުން އެދެނީ އިންތިހާބު އަވަސް ކުރުމަށް ކަމަށެވެ.
"މި ކެމްޕޭނުގެ ފަރާތުން އެދެނީ ވީހާވެސް އަވަހަށް ވޯޓުލުމުގެ ފުރުސަތު ޕާޓީގެ އާންމު މެންބަރުންނަށް ލިބުން،" ވަހީދު ވިދާޅުވި އެވެ.
