އިޝާ މިއަދު ފުލުހުންގެ މަރުކަޒަށް ހާޒިރުވާން އަންގާފައިވަނީ ހަވީރު 4:00 އަށެވެ. މިއީ މި މައްސަލައިގެ ތަހުގީގަށް އޭނާ ފުލުހަށް ހާޒިރުކުރާ ދެވަނަ ފަހަރެވެ. ރޭވެސް އޭނާ ވަނީ މި މައްސަލާގައި ފުލުހުންގެ މަރުކަޒަށް ހާޒިރުކޮށް ސުވާލުކޮށްފައެވެ.
ރޭ ފުލުހުންގެ މަރުކަޒަށް ހާޒިރުވުމަށް ފަހު ނުކުމެ ނޫސްވެރިންނާއި ވާހަކަ ދައްކަމުން އީޝާ އަޝްރަފްގެ ގާނޫނޫ ވަކީލް ހުސެއިން ޝަމީމް ވިދާޅުވީ އީޝާ ވަނީ ތަހުގީގަށް އެއްބާރުލުން ދީ، ހުރިހާ ވާހަކައެއް ކިޔައިދޭން ނިންމާފައިކަމަށެވެ.
ޝަމީމް ވިދާޅުވީ ޑޮކިއުމެންޓްރީގައި ގެނެސްދީފައިވަނީ އީޝާގެ ވާހަކަ ކަމަށް ތުހުމަތުކުރި ނަމަވެސް އެކަމާ ބެހޭ ގޮތުން ރޭ ފުލުހުން އެއްވެސް ވާހަކައެއް ދައްކާފައި ނުވާކަމަށެވެ.
ސަރުކާރުގެ ސިޔާސީ މަގާމުތަކެއް ފުރި އީޝާ އަޝްރަފުގެ ޕާސްޕޯޓް ހިފެހެއްޓުމަށް ކްރިމިނަލްކޯޓުން މިދިޔަ މަހުގެ 28 ވަނަ ދުވަހުގެ ރޭ ވަނި އަމުރު ނެރެފައެވެ. އެގޮތުން އޭނާގެ ޕާސްޕޯޓްވަނީ އެދުވަހުން ފެށިގެން ތިން މަސްްދުވަހުގެ މުއްދަތަށް ހިފަހައްޓާފައެވެ.
