އުމުރުން 61 އަހަރުގެ ޒުބައިރު ނިޔާވީ ރޭގެ ވަގުތެއްގައެވެ.
މާލޭ ސީޓީގެ މޭޔަރު އާދަމް އާޒިމް ވިދާޚުވި އެ ކައުންސިލަށް ވަރަށް ތެދުވެރިކަމާއި މުރާލިކަމާއި އިހްލާސްތެރިކަމާއެކު ދިގު މުއްދަތެއްގައި ޚިދުމަތްކުރައްވަމުންގެންދެވި، އަލީ ޒުބައިރު، ކުއްލި ގޮތަކަށް ނިޔާވި ހަބަރު އެހީ ވަރަށް ފުން ހިތާމައާއެކުގައިކަމަށެވެ.
" މަސައްކަތަށް ފަރުވާތެރި، އެންމެނާ ގުޅޭ، މަޑުމައިތިރި، ހިތްހެޔޮ، މިޒާޖެއްގެ ވެރި އަލީ ޒުބައިރުގެ ކުއްލި ވަކިވެދިއުމަކީ، މާލެ ސިޓީ ކައުންސިލަށް ލިބިގެންދިޔަ ފޫނުބެއްދޭ ވަރުގެ ބޮޑު ގެއްލުމަކާއި ދާއިމީ ހިތާމައެކެވެ. " އަލީ ޒުބައިރުގެ އާއިލާއަށް ޔައުޒިޔާ ވިދާޅުވެ މޭޔަރު އާޒިމް ކުރެއްވި ޕޯސްޓުގައިވެއެވެ.
ޒުބައިރުގެ މައްޗަށް ކުރެވޭ ކަށު ނަމާދު އޮންނާނީ މިއަދުގެ ހުކުރު ނަމާދަށްފަހު އިސްލާމީ މަރުކަޒުގައެވެ. ކަށުކަމާއި ކެމީގެ ކަންކަން ކުރިޔަށްދާނީ އާސަހަރާގައެވެ.
