މި އަހަރު އީދު ބޮނޑިބަތް ބަހާނީ މާލޭ ސިޓީ ކައުންސިލާ ގުޅިގެން މާލޭގައި އަދި އެޗުޑީސީއާ ގުޅިގެން ހުޅުމާލޭގަ އެވެ.
އީދު ނަމާދަށްފަހު މި ހަރަކާތް ހުޅުމާލޭގައި ހުންނަ ދުވާ ޓްރެކާއި މާލޭގައި ސަލްމާން މިސްކިތް ހުންނަ ސަރަހައްދުގައި ކުރިއަށް ދާނެ ކަމަށް، ދިރާގުން ބުންޏެވެ.
މި ހަރަކާތް ކުރިއަށް ގެންދަނީ، ދިރާގުން ބުނިގޮތުގައި، ދިވެހި ސަގާފަތާއި އާދަކާދަ ދިރުވައި އާލާކުރުމުގެ ގޮތުން، އަޟްހާ އީދުގެ އުފަލުގައި ގިނަ ބަޔަކު ބައިވެރިކޮށް، މުޖުތަމައުގެ މެދުގައި އޮންނަ ގުޅުން ވަރުގަދަ ކުރުމުގެ މަގުސަދުގަ އެވެ.
ދިރާގުން އަންނަނީ އިޖްތިމާއީ އެކިއެކި ހަރަކާތްތައް ހިންގައި ދިވެހިންގެ ދިރިއުޅުން އިތުރަށް ފުރިހަމަކޮށްދިނުމަށް ގިނަ މަސައްކަތްތަކެއް ކުރަމުންނެވެ.
