އައިޔޫއެމްއިން ބުނީ މި ކްލިނިކަކީ ގާނޫނީ ވަކީލުންނަށް، ވާން ބޭނުންވާ. ދަރިވަރުން، ރާއްޖޭގައި، ވަކާލާތުކުރުމުގެ ލައިސަންސް ލިބިފައިވާ ގާނޫނީ "ވަކީލުންގެ"އިރުޝާދުގެ ދަށުން އާންމުންނަށް، ބޭނުންވާ ގާނޫނީ އެހީތެރިކަން ފޯރުކޮށްދެވޭ ގޮތަށް ގާއިމުކުރި ކްލިނިކެއް ކަމަށެވެ
ލީގަލް ކްލިނިކުން ދޭ ހިދުމަތްތަކުގެ ތެރޭގައި ޢާންމު ރައްޔިތުންގެ ތެރެއިން މައްސަލަތަކުގައި ގާނޫނީ އެހީތެރިކަން ބޭނުންވާ ފަރާތްތަކަށް ގާނޫނީ ހިދުމަތް ފޯރުކޮށްދިނުން ހިމެނެއެވެ. އެގޮތުން ގާނޫނީ ލަފާ ދިނުމާއި މައްސަލައިގެ ލިޔުންތަކާއި ފޯމުތަކާއި އެއްބަސްވުންތައް ތައްޔާރުކޮށް ޕަވާ އޮފް އެޓާނީ ފަދަ ލިޔުންތައް ތައްޔާރުކޮށްދިނުން ހިމެނެއެވެ.
އިސްލާމިކް ޔުނިވާސިޓީން ބުނީ އެ ލީގަލް ކްލިނަކަށް މައްސަލައެއް ހުށަހެޅުމުން އެ މައްސަލައެއް ދިރާސާކުރުމަށް ގާނޫނީ ވަކީލެއްގެ ބެލުމުގެ ދަށުން ދަރިވަރުންގެ ޓީމެއްގެ އައްޔަނުކޮށް މައްސަލަ ދިރާސާކުރާނެ ކަމަށެވެ. އަދި އޭގެ ފަހުން ގާނޫނީ ވަކީލާއެކު ބައްދަލުވުން އިންތިޒާމްކޮށް މައްސަލަ ހުށަހެޅި ފަރާތްތަކާއެކު އައިޔޫއެމްގެ ލީގަލް ކްލިނިކްގައި ބައްދަލުކޮށް ގާނޫނީ ލަފާ ދެވޭނެ ކަމަށް ވެސް އައިޔޫއެމްއިން ބުނެއެވެ.
އެ ކްލިނިކަށް މައްސަލައެއް ހުށަހަޅަން ބޭނުންނަމަ އެކަމަށް ހާއްސަކޮށްފައިވާ ގޫގަލް ފޯމް މެދުވެރިކޮށް މައްސަލަ ހުށަހެޅޭނެ ކަމަށް އައިޔޫއެމްއިން ބުނެެއެވެ.
