އެ އެއާލައިންގެ ފުރަތަމަ ފްލައިޓް މިއަދު ވެލާނާ އިންޓަނޭޝަނަލް އެއާޕޯޓަށް ޖެއްސުމުން ވަނީ ވޯޓާ ސަލިއުޓަކާއެކު މަރުހަބާ ކިޔާފައެވެ. އެ ފްލައިޓުން ރާއްޖެ އައި އައި ފަސިންޖަރުންނަށާއި ފުރި ފަސިންޖަރުންނަށް ވަނީ ހަނދާނީ ހަދިޔާވެސް ބަހާފަ އެވެ.
ސައުދީގެ ބަޖެޓް ފްލައިޓް ފްލައިނާސް އަލުން ރާއްޖެއަށް ދަތުރުތައް ފަށާ އައި ފުރަޔަމަ ފްލައިޓުން އައި ފަސިންޖަރުންނަށް ހޫނު މަރުހަބާއެއް ކިޔަނީ
ފްލައިނާސް އިން ސައުދީގެ ކިންގް ހާލިދު އިންޓަނޭޝަނަލް އެއާޕޯޓާއި ރާއްޖެއާ ދެމެދު ކޮންމެ ހަފުތާއަކު ތިން ދަތުރު ކުރުމަށް ވަނީ ހަމަޖެހިފަ އެވެ.
އެމްއޭސީއެލްއިން ބުނީ ފްލައިނާސްގެ ދަތުރުތައް އަލުން ފެށުމަކީ މެދުއިރުމަތީގެ މާކެޓުން ރާއްޖެއަށް ޒިޔާރަތްކުރާ ފަތުރުވެރިންނަށް ލިބިގެންދާނެ ބޮޑު ލުޔެއްކަމަށެވެ. އަދި ސައުދީ އަރަބިއްޔާއަކީ ރާއްޖޭގެ ފަތުރުވެރިކަމުގައި މުހިންމު ދައުރެއް އަދާކުރާ ޤައުމަކަށްވާއިރު، މި ދަތުރުތަކުގެ ސަބަބުން އެ ސަރަހައްދުން ރާއްޖެއަށް އޮތް ޑިމާންޑް އިތުރަށް އުފުލިގެންދާނެ ކަމަށްވެސް އެމްއޭސީއެލުން ބުނެއެވެ.
