ސްޓެލްކޯއިން ރޭ ބުނީ އެ ޕްރޮގްރާމަކީ "ސެޓްފިކެޓް ލެވެލް 3 އިން ވޯޓާ ސިސްޓަމް އޮޕަރޭޝަން އެންޑް މެއިންޓެނަންސް"ގެ ކޯހެއް ކަމަށެވެ.
މިއީ ރައްކާތެރިކަމާއެކު ދެމެހެއްޓެނިވި ގޮތެއްގައި ފެނާއި ނަރުދަމާގެ ހިދުމަތް ފޯރުކޮށްދިނުމަށް ބޭނުންވާ ފަންނީ ހުނަރާއި ގާބިލުކަން ސްޓެލްކޯގެ މުވައްޒަފުންގެ ކިބައިގައި އަށަގަންނުވައި، ގައުމީ ފެންވަރުގައި ބަލައިގަނެވޭ ފެންވަރުގެ ސަނަދެއް މުވައްޒަފުންނަށް ހޯދައިދިނުމަށް ފެށުނު މަސައްކަތެއް ކަމަށް ސްޓެލްކޯއިން ބުންޏެވެ.
މޯލްޑިވްސް އިންސްޓިޓިއުޓް އޮފް ޓެކްނޮލޮޖީ (އެމްއައިޓީ) އާ ގުޅިގެން ކުރިއަށްގެންދާ މި ޕްރޮގްރާމްގައި ސްޓެލްކޯ އިން ހިދުމަތްދޭ އެކި ރަށްތަކުގެ ޖުމްލަ 60 މުވައްޒަފުން ބައިވެރިވެ އެވެ.
