މި ހާދިސާގައި މަރުވީ، އދ ހަންޏާމީދު / ޑެއިޒީވިލާ އުމުރުން 13 އަހަރުގެ އަލީ އަނަސް ބިން މުހައްމަދު އަރީޝްއެވެ.
އެނގިފައިވާ ގޮތުގައި އިއްޔެ ހަވީރު ހިނގި މި ހާދިސާގައި އެ ކުއްޖާ މަރުވީ ބަނދަރު މަތި އޮތް ބަގީއެއްގައި ތަޅުދަނޑި ޖަހާފައި ހުއްޓާ އެ ކުއްޖާ ބަގީއަށް އަރައި ދުއްވާލިތަނާ ރަށުގެ ބަނދަރަށް ވެއްޓިގެންނެވެ.
އެރަށުން ވާހަކަ ދެއްކި މީހަކު ބުނީ އެ ކުއްޖާ މަރުވީ ސިއްހީ މަރުކަޒަށް ގެންގޮސް ފަރުވާ ދެމުން ދަނިކޮށްކަމަށެވެ. އަދި ކުއްޖަ ބަގީއާއި އެކު ވެއްޓުނު ވަގުތު ބަނދަރުގައި އޮތް ދޯންޏެއްގައި އެ ކުއްޖާ ބޯޖެހި ބޮލަށް ބޮޑެތި ޒަހަމްތަކެއް ލިބިފައިވަކަމަށްވެސް އެރަށުން ވާހަކަ ދެއްކި މީހަކު ބުންޏެވެ.
މި ހާދިސާ ތަހުގީގުކުރުމަށް އެ ކަން ހިނގި ސަރަހައްދުގައި އަދިވެސް ފުލުހުން ހަރަކާތްތެރިވަމުން އަންނަކަމަށް ފުލުހުން ބުނެއެވެ. އެހެންނަމަވެސް ތަހުގީގަށް ބޭނުންވާ ޓެސްޓްތަައް ހަދައި ސާމްޕަލް ނެގުމަށް ފަހު ރޭ 12 ޖެހިއިރު އެ ކުއްޖާގެ ޖަނާޒާ ވަނީ ބާއްވަފައެވެ.
