އާޖެންޓީނާ އިން ވަނީ ގްރޫޕް ސްޓޭޖުގައި ކުޅުނު ފުރަތަމަ ދެ މެޗުން ވެސް މޮޅުވެ މުބާރާތުގެ ދެވަނަ ބުރުން ޖާގަ ހޯދައިފަ އެވެ. އެ ދެ މެޗުގައި އާޖެންޓީނާ އިން ފަސް ގޯލު ކާމިޔާބުކޮށްފައިވާއިރު، އެ ހުރިހާ ގޯލެއް ވެސް ކާމިޔާބުކޮށްދިނީ މެސީ އެވެ. އެއާއެކު ވޯލްޑް ކަޕްގައި އެންމެ ގިނަ ގޯލު ޖެހުމުގެ ރެކޯޑު ވެސް މިހާރު އޮތީ މެސީގެ އަތުގަ އެވެ. އެއީ 18 ގޯލެވެ.
ސްކަލޯނީ ހަގީގަތަށް އެހެން ބުނެފައި ވަނީ އުމުރުން 91 އަހަރުގެ އާޖެންޓީނާ ނޫސްވެރިޔާ އެންރިކޭ މަކާޔާ މާކޭޒަށް ޖަވާބު ދެމުންނެވެ. މިއީ މަކާޔާ ކަވަރުކުރަ 18 ވަނަ ވޯލްޑް ކަޕު ކަމަށްވުމާއެކު ސްކަލޯނީ އެއީ ތެދުތެދަށް ޖަވާބު ދޭން މަޖުބޫރު ސުވާލެއް ކަމަށެވެ.
އެންމެ ފަހުގެ ޗެމްޕިއަން ޓީމުގެ ކޯޗު ބުނީ ޖޯޑަން އަކީ ފަސް ޑިފެންޑަރުން ލައިގެން ކުޅޭ ޓީމަކަށް ވުމުން އެމީހުންގެ ރޭވުމަށް ބަލާފައި އާޖެންޓީނާގެ ކުޅުންތެރިންނާއި ރޭވުމަށް ވެސް ބަދަލު ގެންނާނެ ކަމަށެވެ.
ސްކަލޯނީ ވަނީ ފުރަތަމަ އެގާރައަށް ބަދަލުތަކެއް ގެނައި ނަމަވެސް އާޖެންޓީނާއިން ކުޅޭ ގޮތަށް ބަދަލު ނުގެންނާނެ ކަމަށްވެސް ބުނެފަ އެވެ.
އާޖެންޓީނާ އާއި ޖޯޑަން ބައްދަލުކުރާ މެޗު ފަށާނީ މާދަމާ ހެނދުނު ރާއްޖެގަޑިން 7 ޖަހާއިރު އެވެ.
