މި ބީލަމާ ގުޅޭ ގޮތުން ބާއްވާ ޕްރީ-ބިޑް ބައްދަލުވުމެއް ނޯންނާނެ ކަމަށާއި ބީލަމަށް ޕްރޮޕޯސަލް ތައްޔާރުކުރުމުގައި އިތުރު މައުލޫމާތެއް ނުވަތަ ސާފުކުރަން ބޭނުންވާ ކަމެއްވާ ނަމަ، އަންނަ އާދިއްތަ ދުވަހު މެންދުރު ފަހު 2:00 ގެ ކުރިން [email protected] އީ-މެއިލް ކުރުމަށް އެދޭ ކަމަށް މިނިސްޓްރީން ބުންޏެވެ. 

ބޯހިޔާވަހިކަމުގެ ދަތިކަމަށް ހައްލެއް ހޯދަން ހިއްކަމުންދާ ރަސްމާލޭގައި ދަތުރުފަތުރުގެ ހިދުމަތް ދިނުމަށް މާސްޓާޕްލޭނެއް ހަދަން ކޮންސަލްޓެންސީ ދޭނެ ބަޔަކު ހޯދަން ވެސް ސަރުކާރުން މިދިޔަ އަހަރު ޑިސެމްބަރުގައި އިއުލާންކުރި އެވެ. 

އެޗްޑީސީން ހިސާބުތަކުން ދައްކާ ގޮތުގައި 1،150 ހެކްޓަރު ހިއްކަން ނިންމާފައިވާ ރަސްމާލޭގެ 43 ޕަސެންޓު ބިން މިހާރު ވަނީ ހިއްކާ ނިމިފަ އެވެ. 

މި ސަރުކާރުގެ "ބޯހިޔާވަހިކަން އެންމެންނަށް" ސިޔާސަތުގެ ދަށުން ފުރަތަމަ ބުރުގައި ރަސްމާލެއިން 15،000 ގޯތި ދޭން ވަނީ ނިންމައިފަ އެވެ.