މޯލްޑިވްސް ކަސްޓަމްސް ސާވިސްއިން ހާމަކޮށްފައިވާ ގޮތުގައި ވައިގެ މަގުން ރާއްޖެއަށް އެތެރެ ކުރަން އުޅެނިކޮށް އަތުލައިގެންފައިވަނީ 5.5 ކިލޯއަށްވުރެ ގިނަ މަސްތުވާތަކެއްޗެވެ.
އެ ދުވަހު އިންޑިއާ އިން ރާއްޖެ އައި އިންޑިއާ ދެ ފަސިންޖަރެއްގެ ލަގެޖުގައި މަސްތުވާތަކެތި ރައްކާކޮށްގެން ގެނެސްފައިވާ ކަމަށް ޝައްކު ކުރެވިގެން އެ ފަސިންޖަރުންގެ ލަގެޖު ބަލައި ފާސްކުރުމުގެ ތެރޭގައި މަސްތުވާތަކެތި ފެނުނީ ކަމަށްވެސް ކަސްޓަމްސް އިން ބުންޏެވެ.
ކަސްޓަމްސް އިން އަތުލައިގަތީ މަސްތުވާތަކެތީގެ ބާވަތެއް ކަމަށްވާ ކެނެބިސް އެވެ. މިތަކެތީގެ ބަރުދަނުގައި ޖުމްލަ 5540 ގްރާމު ހުރި އެވެ.
ކަސްޓަމްސް އިން ބުނި ގޮތުގައި، އެ ތަކެތީގެ މަގުމަތީ އަގު 4.4 މިލިއަން ރުފިޔާއަށް އަރަ އެވެ.
