މި ސަލާމަތްކުރުމުގެ އޮޕަރޭޝަން ހިންގާފައިވަނީ ސޯމާލިއާގެ ކަނޑުގެ ސަރަޙައްދުގައި 48 ގަޑިއިރަށް ދެމިގެންދިޔަ ހާއްސަ ހަރަކާތްތަކަކަށްފަހުގައެވެ.
އިންޑިއާގެ ނޭވީއިން ކަނޑުފޭރޭއިންގެ އަތުން ސަލާމަތްކޮށްފައިވަނީ "އަޒީނީ" (Azini) ނަމަކަށް ކިޔާ މަސްވެރި އުޅަނދެކެވެ. ހަތިޔާރުއެޅި ކަނޑުފޭރޭއިންގެ ގްރޫޕަކުން މި އުޅަނދު ހިފަހައްޓައި، އޭގެ ބާރުގެ ދަށަށް ގެންގޮސްފައިވަނީ ބައިނަލްއަޤްވާމީ ކަނޑުގެ މުހިންމު ދަތުރުފަތުރުގެ މަގުތަކުގައި ފުން ކަނޑުގެ ޙަމަލާތައް ދިނުމަށްޓަކައި، މި އުޅަނދު "މަދަރ ޝިޕް" އެއްގެ ގޮތުގައި ބޭނުންކުރުމުގެ މަގްސަދުގަ އެވެ.
މި ހާދިސާއާ ގުޅިގެން އިންޑިއާ ނޭވީއިން ކުރިއަށްގެންދިޔަ 48 ގަޑިއިރުގެ ކާމިޔާބު އޮޕަރޭޝަނަށްފަހު، ކަނޑުފޭރޭއިންގެ އަތުން "އަޒީނީ" ބޯޓު ސަލާމަތްކޮށް، އޭގައި ރަހީނުކޮށްފައި ތިބި 20 ފަޅުވެރިންވެސް ވަނީ އެއްކޮށް މިނިވަންކޮށް ސަލާމަތްކޮށްފަ އެވެ.
ސޯމާލިއާގެ ކަނޑުގެ ސަރަޙައްދުގައި ހަތިޔާރުއެޅި ކަނޑުފޭރޭއިން ހިންގި މި ހައިޖެކިންގް އޮޕަރޭޝަން ނާކާމިޔާބުކޮށްލައި، 20 މަސްވެރިން ސަލާމަތްކުރުމަށް އިންޑިއާ ނޭވީއިން ހިންގި މި އޮޕަރޭޝަނާއެކު، ކަނޑުގެ މުހިންމު މަގުތަކުގެ ރައްކާތެރިކަން ކަށަވަރުކުރުމަށް ކުރެވޭ މަސައްކަތްތަކަށް ވަނީ ބޮޑު ކުރިއެރުމެއް ލިބިގެންގޮސްފަ އެވެ.
