ގިނަ ބައެއްގެ ލޯބި ލިބިފައިވާ މި ޖޯޑު ވަރިވާން އުޅުނު ކަމުގެ އަޑުތައް އެރީ ސޯޝަލް މީޑިއާގައި ވައިރަލްވި ވީޑިއޯއަކުންނެވެ. މި ވީޑިއޯ ވައިރަލްވެ އަބީޝޭކް ވަނީ އެކަމާއި ގުޅިގެން ކުރިން ދިން އިންޓަވިއުއެއްގައި ވާހަކަ ދައްކާފަ އެވެ.
އުމުރުން 44 އަހަރުގެ އަބީޝޭކް ބުނީ ފެތުރެމުންދާ އަޑުތަކުގެ ވާހަކަ އޭނާއަށް އެނގޭ ކަމަށާއި މީޑިއާ ސީރިއަސްކޮށް ނަގަން ޖެހެނީ ކިހާ ހިސާބެއްގައިކަން ވެސް އެނގޭ ކަމަށެވެ. އަދި ތިން ވަނަ މީހަކަށް އެ ދެމަފިރިންގެ ދެމެދަށް ވަންނަން ފުރުސަތު ނުދޭނެކަން ފާހަގަކޮށް އަބީޝޭކް ވަނީ އައިޝްވާރިޔާ ދެކެ އޭނާ ވާ ލޯބި އޭނާއަށް އެނގޭނެ ކަމަށް ބުނެފަ އެވެ.
ކާމިޔާބު ގިނަ ފިލްމުތަކަކުން ފެނިގެންދިޔަ އަބީޝޭކް އާންމުކޮށް ފެންނަނީ މަޖާ ރޯލުތަކުންނެވެ. އޭނާ ފެނިގެންދިޔަ ބައެއް ފިލްމުތަކަށް ބަލާއިރު "ބޯލްބައްޗަން" އާއި "ދޫމް" އަދި "ދޯސްތާނާ" އާއި "ރާވަން" ވެސް ހިމެނެ އެވެ.
