މި މައްސަލައަކީ ވިލާ އެއާގެ ގްރައުންޑް އޮޕަރޭޝަންސް އެސިސްޓެންޓަކު، އަންހެން މުވައްޒަފަކަށް ފުރައްސާރަކުރި ކަމަށް ބުނެ 2023 މާރިޗު 8 ގައި ވަޒީފާއިން ވަކިކުރުމުން ހުށަހެޅި މައްސަލައެކެވެ.
ހައިކޯޓުން ޓްރައިބިއުނަލްގެ ނިންމުން ދެމެހެއްޓީ ޖިންސީ ފުރައްސާރައިގެ އަމަލު މަދަނީ މިންގަނޑުން ސާބިތުވާ ވަރަށް ކުންފުނީގެ ތަހުގީގު ރިޕޯޓުގައި ހެއްކާއި ގަރީނާ ނެތުމުންނާއި މުވައްޒަފު ވަކިކުރުމުގައި ފުރިހަމަކުރަންޖެހޭ މައުޟޫޢީއީ އަދި އިޖުރާއީ ޢަދުލުވެރިކަން ވިލާ އެއާ އިން ފުރިހަމަކޮށްފައި ނުވާތީ އެވެ.
