މީސްމީޑިއާގެ ތަފާތު މަންސަތަކުގައި އާންމުވެގެން ދިޔަ މި ވީޑިއޯއިން ފެންނަނީ ކެމެރާގެ ކުރިމަތީގައި ޓީންއޭޖް ކުދިންތަކަކަށް ގަނާކޮށް، އެ ކުދިންނަށް އެކި ގޮތްގޮތުން ފުރައްސާރަކުރަމުންދިޔަ މަންޒަރެވެ. މި ހާދިސާ ހިނގާފައިވަނީ އިންޑިއާގެ ބިހާރު ސްޓޭޓްގެ އަވަށެއް ކަމަށްވާ ޖަމުއިީގަ އެވެ.
މި ވީޑިއޯ އާންމުވުމާއެކު އާންމުންގެ މެދުގައި ވަނީ ވަރަށް ބޮޑު ނުރުހުމަކާއި ކަންބޮޑުވުމެއް އުފެދިފަ އެވެ. އަދި އަނިޔާލިބުނު ކުދިންނަށް އިންސާފު ހޯދައިދިނުމަށާއި، ކުށް ކުރި ފަރާތްތަކަށް ގާނޫނީގޮތުން އަޅަންޖެހޭ ފިޔަވަޅުތައް ވަގުތުން އެޅުމަށް ގިނަ ބަޔަކު ވަނީ ގޮވާލާފަ އެވެ.
އާންމުންގެ ފަރާތުން އުފެދުނު ބޮޑު ނުރުހުމާއި ކަންބޮޑުވުންތަކާ ގުޅިގެން، ފުލުހުން ވަނީ ވަގުތުން މައްސަލަ ބަލައި، ހާއްސަ އޮޕަރޭޝަނެއް ފަށާފަ އެވެ. ފުލުހުން ކުރިއަށްގެންދިޔަ މި އަވަސް އޮޕަރޭޝަންގެ ތެރެއިން، ވީޑިއޯއިން ފެންނަ އަދި އެ ފުރައްސާރައިގެ އަމަލުތަކުގައި އަމަލީގޮތުން ބައިވެރިވި ތިން މީހުން ދެނެގަނެ، އެ މީހުން ވަނީ ފުލުހުންގެ ބެލުމުގެ ދަށަށް ގެންގޮސްފަ އެވެ.
ފުލުހުން ވަގުތުން ކުރިއަށްގެންދިޔަ މި އޮޕަރޭޝަނުގައި ތިން މީހުން ހައްޔަރުކޮށްފައިވާއިރު، މި މައްސަލައާ ގުޅިގެން ބަލަންޖެހޭ އިތުރު ކަންކަން ފުލުހުން ދަނީ އިތުރަށް ތަހުގީގު ކުރަމުންނެވެ.
