ނަމަވެސް، ސައިކޮލޮޖީގެ ފިކުރީ އުކުޅުތަކެއްގެ ބޭނުންކޮށްގެން މިފަދަ ބިރުވެރިކަމުން ސަލާމަތްވެވިދާނެކަން އަންހެނަކު ހިއްސާކުރި އޭނާގެ އަމިއްލަ ތަޖުރިބާއިން ވަނީ އެނގިފަ އެވެ. ގަދަފަދަ އިޖުތިމާއީ ބިރުވެރިކަމެއް ތަހައްމަލުކުރަމުންދިޔަ މި އަންހެންމީހާ ވަނީ ސިކުނޑީގެ ވިސްނުން ބަދަލުކޮށްލުމަށްޓަކައި ދެ ސުވާލެއްގެ ބޭނުންކުރަން ފަށާފަ އެވެ.
އޭނާ ބޭނުންކުރަން ފެށި ފުރަތަމަ ސުވާލަކީ "ވެދާނެ އެންމެ ގޯސް ކަމަކީ ކޮބައިހެއްޔެވެ؟" މިއެވެ. އަދި ދެވަނަ ސުވާލަކީ "އެކަން ވުމަށްފަހު ދެން ވާނީ ކިހިނެއްހެއްޔެވެ؟" މިއެވެ. މި ދެ ސުވާލު އަމިއްލަ ނަފްސާ ކުރަން ފެށުމުން، އިޖުތިމާއީ މާހައުލުތަކުގައި ލަދުވެތިވާނެ ފަދަ ކަމެއް ދިމާވެދާނެކަމަށް ހީކޮށް އުފެދޭ، ސަބަބެއް ނެތް ބިރުވެރިކަން ނައްތާލުމަށް ބޮޑު އެހީއަކަށްވި އެވެ.
މި އުކުޅު ބޭނުންކުރަން ފެށުމުން އޭނާގެ ވިސްނުމަށް ވަރަށް ބޮޑު ބަދަލެއް އައިސް، ހަގީގީ އަމިއްލަ އިތުބާރު ބިނާކުރުމަށް މަގުފަހިވެގެންދިޔަ އެވެ. ބިރުގަންނަ ކަންކަމާ މެދު ފުންކޮށް ވިސްނައި، އެންމެ ގޯސް ހާލަތުގައިވެސް ކަންކަން ކުރިއަށްދާނެ ގޮތް ވަޒަންކޮށްލެވުމުން، އިޖުތިމާއީ މާހައުލުތަކަށް ކުރިމަތިލުމުގެ ހިއްވަރު އޭނާއަށް ލިބިގެންދިޔަ އެވެ.
