އިންފްރާސްޓްރަކްޗާ މިނިސްޓްރީން ބުނީ އަންނަ މަހުގެ 4 ވާ އާދިއްތަ ދުވަހު އެ ސަރަހައްދާ ހަމައަށް މަގު ހުޅުވާލަން ނިންމާފައިވާ ކަމަށެވެ.
އެ މަގުގެ މަރާމާތަށް ފަހު އާންމުންނަށް ހުޅުވާލުމުން ބޮޑެތި ލުއިތަކެއް ލިބޭނެ އެވެ. މިހާރު މަގު ބަންދުކޮށްފައިވާތީ އެ ރޫޓަށް ބަސް ދަތުރުތައް ވެސް ވަނީ ހުއްޓާލައިފަ އެވެ.
މާލޭގެ މަގުތައް ޒަމާނީ ފެންވަރަށް ތަރައްގީކުރުމަށް ކުރަމުންދާ މަސައްކަތުގެތެރެއިން، މާލޭގެ ހުޅަނގުކޮޅުން ބޭރު މަގު ތަރައްޤީކުރުމުގެ މަޝްރޫޢު ފެށުމަށްވެސް ވަނީ ތައްޔާރުވެފަ އެވެ. އެގޮތުން މިހާރު ވަނީ ވެސްޓް ޕާކް ސަރަޙައްދުން ބައެއް، ފެން ހިންދާ ނިޒާމުގެ މަސައްކަތް ކުރުމަށެ ބަންދުކޮށްފަ އެވެ.
ބޮޑުތަކުރުފާނު މަގު ތާރު އަޅާ، ޒަމާނީ ފެންވަރަށް ތަރައްގީކުރުމުގެ މަޝްރޫއުގެ ދަށުން މިހާތަނަށް ވަނީ ހެންވޭރު ފެރީ ޓަރމިނަލުން ފަށައިގެ، ނޯތް ހާބަރާ ހަމައަށް އޮންނަ ސަރަޙައްދު ތަރައްގިކުރުމުގެ މަސައްކަތް މުޅިން ނިންމާފަ އެވެ. މިއާއެކު އެ ސަރަޙައްދުތަކުގެ ތޮއްޖެހުމާއި ދަތުރުފަތުރަށް ބޮޑު ލުޔެއް ވަނީ ލިބިފަ އެވެ.
