ރާއްޖޭގެ މައި އެއާޕޯޓް ކަމަށްވާ ވެލާނާ އިންޓަނޭޝަނަލް އެއާޕޯޓް ހިންގަމުން އަންނަ ކުންފުނީގެ ބޯޑުން ވަކިކުރީ ޑިރެކްޓަރުންގެ ބޯޑުގެ އެގްޒެކްޓިވް ޑިރެކްޓަރު މުހައްމަދު މިހާދާއި ބޯޑު މެމްބަރު ސަހާރު ވަހީދު ކަމަށެވެ.
މި ދެ ބޭފުޅުން ބޯޑުން ވަކިކުރި ނަމަވެސް، އެ ބަދަލު ގެނައި ސީދާ ސަބަބެއް ޕީސީބީން ހާމަކޮށްފައެއް ނުވެ އެވެ.
މިހާދަކީ މިހާރު ވެސް އެމްއޭސީއެލްގެ ޗީފް ކޮމާޝަލް އޮފިސަރެވެ. ކުންފުނީގެ ބޯޑުން ވަކިކުރި ނަމަވެސް ސީސީއޯގެ މަގާމުގައި އަދިވެސް އެބަ ހުންނެވި އެވެ.
އޭނާ ވަނީ މީގެ ކުރިން އެސްޓީއޯގެ ބޯޑު މެންބަރުކަމާއި މިފްކޯގެ ބޯޑު މެންބަރުކަން ވެސް ކުރައްވައިފަ އެވެ.
އެމްއޭސީއެލްގެ ބޯޑުން ވަކިކުރި ސަހާރު ގެންދަވަނީ ބީއެމްއެލްގެ ޑެޕިއުޓީ ސީއީއޯގެ މަގާމު ވެސް އަދާކުރައްވަމުންނެވެ.
