އެ މަރުކަޒު ހުޅުވައިދެއްވީ، ހޯމް މިނިސްޓަރު އަލީ އިހްސާނާއި ކޮމިޝަނަރު އޮފް ޕޮލިސް އަހްމަދު މުހައްމަދެވެ. އެވެ.
މަރުކަޒު ހުޅުވުމަށް ބޭއްވި ރަސްމިއްޔާތުގައި ވާހަކަދައްކަވަމުން މިނިސްޓަރު އިހްސާން ވިދާޅުވީ މި ސަރުކާރު ވެރިކަމަށް އައިއިރި ރާއްޖޭގެ 63 ރަށެއްގައި ފުލުހުން ފިޒިކަލީ ގާއިމުވެ ތިބެގެން ހިދުމަތް ދެމުން ނުދާކަމަށެވެ. ނަމަވެސް، ފުލުހުން ކުރި ބުރަ މަސައްކަތުން މިހާރު އެ 63 ރަށުގައި ވެސް ފުލުހުން ގާއިމުވެ ތިބެގެން ހިދުމަތް ދެމުންދާކަން އިހްސާން ފާހަގަކުރެއްވިއެވެ. އަދި އޭރު އަމިއްލަ މަރުކަޒުތައް ހުރީ އެންމެ 17 ރަށުގައި ކަމަށާއި، ގާތްގަނޑަކަށް 170 އެއްހައި ރަށުގައި ފުލުހުން ހިދުމަތް ދެމުންދިޔައީ ކައުންސިލު އިދާރާތަކާއި އަމިއްލަ ތަންތަން ކުއްޔަށް ހިފައިގެން ވަރަށް ދަތި ހާލުގައި ކަމަށްވެސް އިހްސާން ވިދާޅުވިއެވެ.
ކުނބުރުދޫ ފަދަ އާބާދީ ކުދި އަދި ކުށް މަދު ރަށްރަށުގައި ވެސް ފުލުހުންގެ ހާއްސަ މަރުކަޒުތައް ގާއިމުކުރުމުގެ މައިގަނޑު މަގުސަދަކީ ކުށުގެ ވެށި އުފެދުމުގެ ކުރިން މުޖުތަމައާ ގުޅިގެން އަމާން ވެއްޓެއް ދެމެހެއްޓުން ކަމަށް މިނިސްޓަރު އިހްސާން ވިދާޅުވި އެވެ.
ކުނބުރުދޫ ފުލުހުންގެ މަރުކަޒު ހަދަން ހަވާލުކުރީ ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އާއެވެ. އެކުންފުނިން އެ މަރުކަޒުގެ އަމަލީ މަސައްކަތް ފެށީ 2025 އޮކްޓޫބަރު 7 ގައެވެ.
