ސިޑާސް-ސައިނާއި ގެ ދިރާސާވެރިން ބުނާ ގޮތުގައި، މި އެންޒައިމް މޭގެ ސެލްތަކަށް އެހީތެރިވެދެނީ ހަލާކުވެފައިވާ މައިޓޯކޮންޑްރިއާ ސެލްތަކުން ނައްތާލުމަށެވެ. މީގެ އިތުރުން، މޭގައި ޖަމާވާ އިތުރު ސަރުބީތައް މުގުރާލައި ބައިބައިކުރުމުގައިވެސް މި އެންޒައިމް މުހިންމު ދައުރެއް އަދާކުރެއެވެ.
މި އެންޒައިމްގެ މަސައްކަތުން މޭގައި އުފެދޭ ނުރައްކާތެރި އިންފްލެމޭޝަން ނުވަތަ މޭ ދުޅަވުން ހުއްޓުވައިދެއެވެ. އަދި މޭގައި ލަކުނުލައި، މޭ ހަލާކުވުމުން ރައްކާތެރިކޮށްދެއެވެ. މިކަމުގެ ސަބަބުން ފެޓީ ލިވަރ ބަލި އިތުރަށް ސީރިއަސް ހާލަތަކަށް ދިޔަނުދީ ހަށިގަނޑުން ގުދުރަތީގޮތުން ރައްކާތެރިކަން ފޯރުކޮށްދެއެވެ.
މި ހޯދުމަކީ ފެޓީ ލިވަރ ބަލީގެ ނުރައްކަލުން އިންސާނާގެ މޭ ރައްކާތެރިކޮށްދިނުމަށް ހަށިގަނޑުގައިވާ ގުދުރަތީ ނިޒާމު ދެނެގަތުމަށް ލިބުނު މުހިންމު ކުރިއެރުމެކެވެ.
