ޑޮކްޓަރުން ފާހަގަކުރައްވާ ގޮތުގައި، ހެނދުނު މޯނިންގް ގަޑިތަކުގައި ހިތުގެ ނިޒާމަށް ކުރިމަތިވާ ނުރައްކާތެރި މައްސަލަތައް އިތުރުވަނީ ހަށިގަނޑަށް އަންނަ ވަކި ބަދަލުތަކަކާ ގުޅިގެންނެވެ.
ޑޮކްޓަރުންގެ ތަހުލީލުތަކުން ދައްކާ ގޮތުގައި ހެނދުނު ހޭލާ ވަގުތު ހާޓް އެޓޭކް އައުމާ އެންމެ ބޮޑަށް ގުޅިފައިވަނީ ހެނދުނު ހަށިގަނޑުގައި ކޯޓިސޯލް ހޯމޯންގެ މިންވަރު ކުއްލިއަކަށް އިތުރުވުމާއެކު އަންނަ ބަދަލުތަކެވެ. މީގެ އިތުރުން، ނިދިން ހޭލާ ވަގުތު ލޭގެ ޕްރެޝަރު ކުއްލިއަކަށް މައްޗަށް ދިއުމާއި، ލޭގެ އޮލަކަން އިތުރުވުމަކީވެސް މިފަދަ ހިތުގެ މައްސަލަތައް ކުރިމަތިވުމަށް މެދުވެރިވާ މުހިންމު ސަބަބުތަކުގެ ގޮތުގައި ކާޑިއޮލޮޖިސްޓުން ވަނީ އިޝާރާތްކުރައްވާފަ އެވެ.
މިފަދަ ނުރައްކާތަކުން ރައްކާތެރިވުމަށްޓަކައި، ހެނދުނު ހޭލާ ވަގުތު ފެންނަ ކުރީކޮޅުގެ އަލާމާތްތައް ދެނެގަނެ ސަމާލުވުމުގެ މުހިންމުކަން ޑޮކްޓަރުން ވަނީ ފާހަގަކުރައްވާފަ އެވެ. އެގޮތުން، ހޭލާ ވަގުތު ދަތްދޮޅީގައި ރިއްސުން، މޭ ބާރުވުން ނުވަތަ މޭގައި އުނދަގޫތަކެއް އުފެދުން، އަދި ހަޖަމުނުވުމާ އެއްފަދަ އުނދަގުލެއް އިހުސާސްވުން ފަދަ ކަންކަމަކީ ހާޓް އެޓޭކެއްގެ ކުރީކޮޅުގެ އަލާމާތްތަކަށް ވެދާނެތީ އެކަންކަން އަވަހަށް ދެނެގަތުމަށް ޑޮކްޓަރުން ވަނީ ބާރުއަޅުއްވާފަ އެވެ.
