މި ތިން ރަށުގައި ލެބްގެ ހިދުމަތް ފެށީ ހެލްތު މިނިސްޓަރު ގީލާ އަލީ ށ. އަތޮޅަށް މިހާރު ކުރައްވަމުން ގެންދަވާ ދަތުރުގެ ތެރެއިންނެވެ.
ނަރުދޫ ލެބް މިއަދު ހުޅުވި އިރު، ޅައިމަގާއި މަރޮށީގައި ލެބްގެ ހިދުމަތް ފެށީ އިއްޔެ އެވެ. ނަރުދޫގައި ހުޅުވުނު ލެބޯޓަރީއަކީ މި ސަރުކާރުން އަތޮޅުތަކުގައި ހިދުމަތް ދޭން ފެށި 21 ވަނަ ލެބޯޓަރީއެވެ.
ރާއްޖޭގެ މީހުން ދިރިއުޅޭ ކޮންމެ ރަށެއްގައި ލެބޯޓަރީގެ ހިދުމަތް ގާއިމުކޮށްދިނުމަކީ ރައީސް ޑރ. މުހައްމަދު މުއިއްޒުގެ މުހިންމު ރިޔާސީ ވައުދުފުޅެކެވެ. މި ވައުދުގެ ދަށުން، މިހާތަނަށް ލެބޯޓަރީގެ ހިދުމަތް ލިބެން ނެތް 76 ރަށުގައި މި ހިދުމަތް ގާއިމުކުރުމުގެ މަސައްކަތް ސަރުކާރުން މިހާރު އަންނަނީ ވަރަށް ބާރު ސްޕީޑެއްގައި ކުރަމުންނެވެ.
