ކަސްޓަމުން ބުނީ މި ފައިސާތައް އަތުލައިގަތީ މިމަހުގެ 7 ވަނަދުވަހު ރާއްޖެއިން ބޭރަށް ފުރަން ދިޔަ އިންޑިއާ މީހެއްގެ އަތުންކަމަށެވެ.
ކަސްޓަމްސް އަސް ޑިކްލެއާ ނުކޮށް ބޭރުކުރަން އުޅުނު މި ފައިސާތަކުގެ ތެރޭގައި އެކި ގައުމުތަކުގެ ފައިސާ ހިމެނޭކަމަށް އެ އިދާރާއިން ބުނެ އެވެ. އަދި މީމީހާ އަތުން އަތުލި ބޭރު ފައިސާގެ އަދަދު ނުވަލައްްކަށް ފަސްހާސް ދިވެހި ރުފިޔާއަށްވުރެ މައްޗަށް އަރާކަމަށް ކަސްޓަމުން ބުނެ އެވެ.
ދާދީ ފަހުން ވަނީ ސީރިއަލް ޕެކެޓް ތަކެއްގެ ތެރޭގައިވެސް ބޭރު ފައިސާ ފޮރުވައިގެން ވަގަށް ބޭރުކުރަން މަސައްކަތް ކުރަނިކޮށް މިދިޔަ މަހުގެ ތެރޭގައި އަތުލައިގެންފަ އެވެ. އެފަހަރު އަތުލައިގެން ބޭރު ފައިސާގެ އަދަދު ގާތްގަނޑަކަށް 3.8 މިލިއަން ރުފިޔާގެ އެއްވަރުކަމަށް ކަސްޓަމުން ވަނީ ބުނެފަ. އެވެ. އެ މައްސަލާގައި ހަ ބީދޭސިން އަތުލައިގަނެ އެމީހުންގެ މައްޗަށް މަނީލޯންޑްރިންގެ ތުހުމަތުކޮށް 10 ދުވަހަށް ބަންދު ވަނީ ޖަހާފަ އެވެ.
