މިއީ ވޭތުވެދިޔަ 48 އަހަރުގެ ތެރޭގައި ސެޓެލައިޓް މެދުވެރިކޮށް ރެކޯޑުކުރަން ފެށިފަހުން، ފިނިމޫސުމެއްގައި އެންޓާކްޓިކާގެ ގަނޑުފެން އެންމެ ކުޑަކޮށް ފެތުރިފައިވާ ކަމަށް ރެކޯޑުކުރެވުނު ތިންވަނަ ފަހަރެވެ. މި ހިސާބުތަކުން ދައްކައިދެނީ ކަނޑުގެ ފިނިހޫނުމިން މަތިވަމުންދިއުމުގެ ސަބަބުން ދާއިމީގޮތެއްގައި އަންނަމުންދާ ބަދަލެކެވެ.
ސައިންސްވެރިން ފާހަގަކުރާ ގޮތުގައި ކަނޑުގެ ހޫނުމިނަށް އަންނަ މި ދާއިމީ ބަދަލުގެ ސަބަބުން އެންޓާކްޓިކާގެ ގަނޑުފެން އުފެދޭ މިންވަރަށް ދަނީ ސީދާ އަސަރުކުރަމުންނެވެ. އަދި ސެޓެލައިޓް މައުލޫމާތުތަކުން ކަށަވަރުވާ ގޮތުގައި ކަނޑުތައް ހޫނުވުމަކީ ގަނޑުފެން ފެތުރޭ މިންވަރު ދަށަށްދާ މައިގަނޑު ސަބަބެވެ.
ނާސާގެ މިންކުރުންތަކުން އިތުރަށް އެނގޭ ގޮތުގައި، މިއީ ކަނޑުގެ ހޫނުމިން މަތިވުމުގެ ސަބަބުން ދާއިމީގޮތެއްގައި ދިމާވާ ބަދަލެއްގެ ނިޝާނެކެވެ. މިއާއެކު ތިމާވެއްޓަށް އަންނަ މި ބަދަލުތަކުގެ ސަބަބުން ކުރިއަށް އޮތް ތަނުގައިވެސް ކަނޑުގެ ހޫނުމިން އިތުރުވަމުންދާނެ ކަމަށް ބެލެވެއެވެ.
