އިނގިރޭސިވިލާތުގެ ސަރުކާރުން މިގޮތަށް އަންގާފައިވަނީ "ބީ ރެޑީ" ގެ ނަމުގައި ފެށި އިމަޖެންސީއަށް ތައްޔާރުވުމުގެ ރަސްމީ ކެމްޕޭނުގެ ދަށުންނެވެ. މި ކެމްޕޭން ސަރުކާރުން ރަސްމީކޮށް އިފްތިތާހުކޮށްފައިވަނީ 2026 ވަނަ އަހަރުގެ އޮކްޓޫބަރު މަހުގެ 22 ވަނަ ދުވަހު އެވެ.
މި ކެމްޕޭނުގެ ދަށުން، ކޮންމެ ގޭބިސީއަކުންވެސް މަދުވެގެން 9ޓަނުގެ ބޯފެނުގެ އިތުރުން، އަވަހަށް ހަލާކުނުވާޒާތުގެ ކާބޯތަކެތި 3 ދުވަހުގެ މުއްދަތަށް ރައްކާކުރުމަށް އިލްތިމާސްކޮށްފައިވެއެވެ. ސަރުކާރުން ބުނެފައިވަނީ މިއީ ކުއްލި ހާލަތްތަކުގައި އާންމުންގެ ސަލާމަތާއި ރައްކާތެރިކަން ކަށަވަރުކޮށް، ގޮންޖެހުންތަކާ ކުރިމަތިލުމުގެ ޤާބިލުކަން އިތުރުކުރުމަށްޓަކައި ކޮންމެހެން އަޅަންޖެހޭ މުހިންމު ފިޔަވަޅެއް ކަމަށެވެ.
ޔޫކޭގެ ކަމާބެހޭ އޮތޯރިޓީތަކުން ހާމަކުރި ގޮތުގައި، މިފަދަ ފިޔަވަޅެއް އަޅަންޖެހުނީ މޫސުމީ ގޮތުން ކުރިމަތިވާ ނުރައްކާތެރި ހާދިސާތަކާއި، ތަކެތި ފޯރުކޮށްދިނުމުގެ ސަޕްލައި ޗެއިނަށް އަތުވެދާނެ ބުރޫތަކުން ރައްކާތެރިވުމަށެވެ. މީގެ އިތުރުން، ދިމާވެދާނެ ސައިބަރ ހަމަލާއެއްގެ ސަބަބުން ޚިދުމަތްތަކަށް ބުރޫއެރުމުގެ ފުރުސަތު އޮތުމުން، އެފަދަ ކަންކަމަށް ރައްޔިތުން އަހުލުވެރިކުރުވައި، މުޖުތަމަޢުގެ ތައްޔާރީހާލަތު ވަރުގަދަކުރުމަކީވެސް މި ކެމްޕޭނުގެ މުހިންމު މަގުސަދެކެވެ.
