ޓެކްސް ނެގުމާބެހޭ އިދާރީ ޤާނޫނަށް ސަރުކާރުގެ ފަރާތުން ހުށައެޅި އިސްލާހުގެ ބަހުސްގައި ވާހަކަ ދައްކަވަމުން މެމްބަރު ފަލާހް ވިދާޅުވީ ރައްޔިތުންނަސް ހެޔޮ އެދިގެން ސަރުކާރަކުން ކޮންދިންކަމެއް ކޮށްދިނީ މި ސަރުކާރުންކަމަށެވެ. އެގޮތުން 2023 ގެ އިންތިހާބުން އެމްޑީޕީ މޮޅުވި ނަމަ ދިވެހިން ތިބޭނީ ނުކައި ނުބައިކަމަށް ވިދާޅުވެ މި ސަރުކާރުން ރައްޔިތުންނަށް ކޮންކަމެއްތޯ ނުކޮށްދެނީ ފަލާހް ވަނީ ސުވާލުކުރައްވާފަ އެވެ.
ފަލާހް ވިދާޅުވީ ދާދީފަހުން ފިޗްގެ ރޭޓިން އިންވެސް ރާއްޖެ މައްޗަސް ޖެއްސީ މި ސަރުކާރުން ރައްޔިތުންނަށް ކަންކަން ކޮށްދޭތީކަމަށެވެ. އަދި އެމްޑީޕީއާ އޭގެ ކުރީ ސަރުކާރުތަމުން ނަގާފައިވާ އެތައް މިލިއަން ޑޮލަރެއްގެ ދަރަނިވެސް ދެއްކީ ދާދި މިދާކަށް ދުވަހުކަން ފަލާހް ފާހަގަކުރެއްވި އެވެ. އެމްޑީޕީ ވެރިކަމުން ދިޔައިރު ކާނެ ކާޑާއި ތެކާ ގަންނާނަވަރުވެސް ދައުލަތުގައި ނެތްކަމަށް ފަލާހް ވިދާޅުވި އެވެ.
އެހެންވެ އެމްޑީޕީން ދައްކާ ވާހަކަތައް ރައްޔިތުން ގަބޫލުނުކުރާނެކަމަށްވެސް ފަލާހް ވިދާޅުވި އެވެ.
