އަތީގުގެ އެކުވެރިޔަކު އެފްބީގައި ކުރި ޕޯސްޓެއްގައި ބުނީ އިއްޔެ މެންދުރުފަހު އަތީގުގެ މެޔަށް އާދަޔާ ހިލާފަށް ތަދުވާން ފަށާ މީހާ ދާހިއްލަން ފެށުމުން އޭނާ ފުވައްމުލަކު ހޮސްޕިޓަލަށް ދިޔަ ކަމަށެވެ.
އަދި އެ ހޮސްޕިޓަލުން ހެދި ޓެސްޓުން ހާޓްއެޓޭކް ޖެހިފައިވާކަން އެނގުނުކަމަށާއި އަދި ވަގުތުން އޭނާގެ ފަރުވާ ފެށިކަމަށެވެ. ފުވައްމަުލަކު ހޮސްޕިޓަލްގައި ފަރުވާ ދިނުމަށްފަހު މިއަދު ފަތިހު މާލެ ގެނެސް މިހާރު އަތީގަށް ފަރުވާދެމުން އަންނަނީ އައިޖީއެމްއެޗްގައިކަމަށްވެސް އެމީހާގެ ޕޯސްޓުގައި ވެއެވެ.
ފުޑް ޓްރަކެއްގައި ހިންގާ ބާބާ ގަޑިޔާގެ ވިޔަފާރި އެންމެ ފުރަތަމަ ފެށީ ފުވައްމުލަކުގައެވެ. އޭގެފަހުން އެ ގާޑިޔާގެ ގިނަ ބައެއްގެ މަގުބޫލުކަން ހޯދާ މިދިޔަ އަހަރުގެ މޯލްޑިވްސް އެކްސްޕޯގައި މާލެ ގެނެސް މާލޭގައިވެސް ވަނީ ވިޔަފާރިކޮށްފަ އެވެ. ޝަވަރުމާއަށް މަޝްހޫރު އެ ގާޑިޔާއިން މިދިޔަ އެކްސްޕޯގެ އެންމެ ފަހު ރޭ ވިޔަފާރިކޮށްގެން ލިބުނު ފައިސާއިން 20،000 ރުފިޔާ ވަނީ ފަލަސްތީނަށް ހަދިޔާކޮށްފައެވެ.
