ގަސްގަހާގެހިން ނަގާ މާއްދާތައް ބޭނުންކޮށްގެން ތައްޔާރުކޮށްފައިވާ މި މާއްދާއަކީ އިރުގެ އަލި ނުހަނު މަތީ މިންވަރަކަށް ރިފްލެކްޓްކޮށްދޭ، އަދި ތިމާވެށްޓާ ރައްޓެހި އުފެއްދުމެކެވެ.
މި އާ އުފެއްދުން ތައްޔާރުކުރުމަށް ދިރާސާވެރިން ބޭނުންކޮށްފައިވަނީ ގަސްގަހާގެހިން ނަގާ ޕެކްޓިން އާއި ސެލިއުލޯޒްއެވެ. މިއީ އަމިއްލައަށް ކުނިވެ ހަލާކުވާ ނުވަތަ ބަޔޯޑީގްރޭޑަބަލް މާއްދާއެކެވެ. ދިރާސާވެރިން ހާމަކުރި ގޮތުގައި، ގަސްގަހާގެހިން ތައްޔާރުކޮށްފައިވާ މި ކޯޓިންގ މާއްދާއިން އިރުގެ އަލީގެ 95 އިންސައްތަ އަނބުރާ ރިފްލެކްޓްކޮށްދެ އެވެ.
މި ކޯޓިންގ އިމާރާތްތަކުގެ ކުޑަދޮރުތަކުގައި ބޭނުންކުރުމުން، އިރުގެ އަވިން އަންނަ ހޫނުކަން އިމާރާތުގެ އެތެރެއަށް ވަނުން ހުއްޓުވައިދެ އެވެ. އަދި އެއްވެސް ވަރަކަށް ކަރަންޓު ބޭނުންކުރުމަކާ ނުލައި، އިމާރާތްތަކުގެ އެތެރޭގެ ފިނިހޫނުމިން ނުހަނު ބޮޑަށް ދަށްކޮށްދެ އެވެ.
