ދައުލަތުގެ މީޑިއާއިން ގެނެސްދޭ އަހާ ފޯރަމްގައި ސުވާލުކުރި މީހަކު ވަނީ މި ސަރުކާރުން ޓީޗަރުންނަށް ކޮށްދިނީ ކޮންކޮންކަމެއްތޯ ސާފުކޮށްދިނުމަށް މިނިސްޓަރުގެ އަރިހުގައި އެދިފަ އެވެ.
އެހެންނަމަވެސް އޭގެ ތަފްސީލަށް ވަޑައިނުގަން މިނިސްޓަރު ޝަފީއު ވިދާޅުވީ މި ސަރުކާރުން ޓީޗަރުންނަށް އެއްވެސް ފިޔަވަޅެއް އަޅާފައި ނުވާނެކަމަށެވެ. މިނިސްޓަރު ވިދާޅުވީ މިދިޔަ ސަރުކާރު ނިމުނުއިރު 100 ވުރެ ގިނަ ޓީޗަރުންނަން މިނިސްޓްރީން އިންޒާރުދީ ބައެއް ޓީޗަރުން ސަސްޕެންޑްކޮށް ހަދާފައިވާކަމަށެވެ.
އެހެންނަމަވެސް މި ސަރުކާރުގައި ޓީޗަރުންނަށް އެއްވެސް ބިރެއް ނޯންނާނެކަށާއި މި ސަރުކާރަށް ފާޑުކިޔަސް ފިޔަވަޅު ނާޅާނެކަމަށެވެ. އަދި މި ސަރުކާރުން ގެންގުޅޭނީ ލޯތްބާއި އޮގާތެރިކަންކަމަށްވެސް މިނިސްޓަރު ވިދާޅުވި އެވެ.
ޓީޗަރުންނަށް އުފާވެރި އެމީހުންގެ މަސައްކަތުގެ އަގުވަޒަންކުރެވޭ މާހައުލެއް މި ސަރުކާރުން ގާއިމުކޮށްދީފައިވާކަމަށް މިނިސްޓަތު ވިދާޅުވި އެވެ. އަދި މިހާރު ޓީޗަރުން މަސައްކަތް ކުރަމުން އެ އަންނަނީ އެއްވެސް ބިރެއް ނުފޫޒެއްނެތި މަސައްކަތްކުރެވޭ މާހައުލެއްކަމަށް މިނިސްޓަރު ޝަފީއު ވިދާޅުވި އެވެ.
