ރޭ މާލެއަށް ވިއްސާރަކުރި ނަމަވެސް ދިވެހިންގެ ބިން ދިވެހިންނަށް ގެ ނަމުގައި ރޭ އާޓިފިޝަލް ބީޗުގައި ކުރިޔަށް ގެންދިޔަ ހަރަކާތުގައި ގިނަ އަދަދެއްގެ މީހުން ވަނީ ބައިވެރިވެފަ އެވެ.
އެ ހަރަކާތް އިންތިޒާމު ކުރި ގައުމީ ހަރަކާތުން ބުނީ 6000 ދިވެހި ރައްޔިތުން ރޭ އާޓިފިސަލް ބީޗަށް ނިކުމެ ރައީސް މުއިއްޒުއަށް ދިވެހި ރައްޔިތުން ތިބިގޮތް ވަރަށްސާފުކޮށް ދައްކާލަދީފައިވާކަމަށެވެ.
އަދި އެއްވެސް އެހެން ރަށަކުން މީހަކު ނުގެނެސް ވިއްސާރަ ރެއެއްގައި އެއްވެސް މަޖުބޫރުކަމެއްނެތި "ދިވެހިންގެ ބިން ދިވެހިންނަށް" ގައުމީ ހަރަކާތުން ގޮވާލި ގޮވާލުމަށް މުޅި އާޓިފިސަލް ބީޗްފުރާލަދިނުމުން ހާމަ ކޮށްދެނީ ރަސްމާލެ ހިލޭ ޒަޔަނިސްޓުނަށް ވަޒަންވެރިކުރުވަންއުޅޭ އުޅުމަކީ ދިވެހި ރައްޔިތުން ނުހަނު ކަންބޮޑުވާ މައްސަލައެއްކަމަށެވެ. އަދި ރައްޔިތުންގެ ފެންނަނުފެންނަ ވޯޓަކަށް ދާންޖެހޭކަންވެސް ރޭގައި ރައްޔިތުން ބުނެ ދީފިކަމަށް އެ ހަރަކާތުން ބުނެ އެވެ.
