Advertisement

ވެރިރަށް މާލޭ ގައި އެއްގަމު އުޅަނދު ފަހަރު އިތުރަށް ޕާކު ކުރާނެ ޖާގައެއް ނެތް ކަމަށް މާލޭ ސިޓީ ކައުންސިލްގެ މޭޔަރު ޝިފާ މުހައްމަދު ވިދާޅުވެއްޖެ އެވެ.

ޝިފާ ކުރެއްވި ޓްވީޓެއްގައި ވިދާޅުވެފައި ވަނީ، ހުރިހާ މުއައްސަސާތައް ގުޅިގެން މާލޭ ސިޓީއަށް އެތެރެވާ ވެހިކަލްތަކަށް ހައްލެއް ހޯދަން ޖެހޭ ކަމަށެވެ.

ޓްރާންސްޕޯޓް މިނިސްޓްރީ ޓެގް ކުރައްވާ ޝިފާ ކުރެއްވި ޓްވީޓްގައި ވިދާޅުވެފައި ވަނީ މާލޭގެ ގޯޅިތައް ފުރިފައިވާ ކަމަށާއި، އަދި އެކަމުގައި މާލޭ ސިޓީ ކައުންސިލްގެ ނިންމުން ވަރަށް ސާފު ކަމަށެވެ.

އަދި އިތުރަށް ޕާކު ކުރާނެ ޖާގައެއް މާލޭގައި ނެތް ކަމަށް ވެސް ޝިފާ ވިދާޅުވި އެވެ.

Hurihaa muahsasaa thah gulhigen Male cityah etherevaa vehicalethakah hahleh hoadhanjehey. goalhithah furihje @TransportMV .councilge ninmun varah saaf . Ithurah park kuraane jaagaeh neh .

— Shifa Mohammed🎈 (@SifaMohammed) December 9, 2019

މާލޭ ސިޓީގައި ދުއްވާ އުޅަނދު ފަހަރު އިތުރުވެ ތޮއްޖެހުމުގެ މައްސަލައިގެ ޝަކުވާ ގިނަ ބަޔަކު އަންނަނީ ކުރަމުންނެވެ. އަދި އެ މައްސަލަ އަށް ހައްލު ހޯދުމަށް މާލޭގައި އިތުރު ޕާކިން ޒޯންތައް ހެދުމުގެ މަސައްކަތް ސަރުކާރުން އަންނަނީ ކުރަމުންނެވެ.